ഒത്തൊരുമിച്ചാൽ…! രണ്ട് ഈച്ചകൾ ചേർന്ന് ഒരു കുപ്പി തുറക്കുന്ന അപൂർവ വിഡിയോ

ഒത്തൊരുമിച്ചാൽ മലയും പോരും…ഈ ചൊല്ലിനെ അന്വർത്ഥമാക്കുന്ന ഒരു വിഡിയോയാണ് ഇന്ന് സമൂഹമാധ്യമങ്ങളിൽ വൈറലായിക്കൊണ്ടിരിക്കുന്നത്. രണ്ട് ഈച്ചകൾ ചേർന്ന് ഒരു കുപ്പിയുടെ അടപ്പ് തുറക്കുന്ന വിഡിയോ ആണ് കാഴ്ചക്കാരെ അമ്പരപ്പിച്ചിരിക്കുന്നത്.

ഈ പത്ത് സെക്കൻഡ് ദൈർഘ്യം വരുന്ന വിഡിയോയിൽ രണ്ട് ഈച്ചകൾ കുപ്പിയുടെ അടപ്പിന് ഇരുവശവുമായി ഇരുന്നാണ് പതിയെ അടപ്പ് തുറക്കുന്നത്. അടപ്പ് അയഞ്ഞതോടെ മുൻഭാ​ഗത്തെ കാലുകൾ ഉപയോ​ഗിച്ച് തട്ടിത്തെറിപ്പിച്ചാണ് അടപ്പ് ഊരിയെടുത്തത്.

Well, that's it for humanity. We've had a decent run but if bees have mastered the screw-top lid I think this is the beginning of the end. pic.twitter.com/XyHonJ2q73

— Michael Moran (@TheMichaelMoran) May 25, 2021

ബ്രസീലിലെ സാവോ പോളോയിൽ നിന്നാണ് വിഡിയോ. ഇതിനോടകം 1.3 മില്യൺ ആളുകളാണ് ട്വിറ്ററിലൂടെ മാത്രം വിഡിയോ കണ്ടിരിക്കുന്നത്. യൂട്യൂബിലും ഒരു മില്യണോളം കാഴ്ചക്കാരുണ്ട്.

നിരവധി പേരാണ് വിഡിയോ പങ്കുവച്ചിരിക്കുന്നത്.

Story Highlights: Bees Opening a Soda Bottle