18
Jun 2021
Friday

കടയ്ക്കാവൂരില്‍ അമ്മയും കുഞ്ഞും കിണറ്റില്‍ മരിച്ച നിലയില്‍

Kollam Suicide case; Three in custody

തിരുവനന്തപുരം കടക്കാവൂരില്‍ അമ്മയെയും കുഞ്ഞിനെയും കിണറ്റില്‍ ചാടി ആത്മഹത്യ ചെയ്ത നിലയില്‍ കണ്ടെത്തി. സംഭവത്തില്‍ വര്‍ക്കല ഡിവൈഎസ്പിയുടെ നേതൃത്വത്തില്‍ അന്വേഷണം ആരംഭിച്ചു.

കടക്കാവൂര്‍ നിലക്കമുക്കിലെ പന്ത്രണ്ടാം വാര്‍ഡില്‍ താമസിക്കുന്ന ബിന്ദു, എട്ടു വയസുള്ള മകള്‍ ദേവയാനി എന്നിവരെയാണ് ആത്മഹത്യ ചെയ്ത നിലയില്‍ കണ്ടെത്തിയത്. കഴിഞ്ഞ ദിവസം രാത്രി ബിന്ദുവിനെയും മകളെയും കാണാതായതിനെത്തുടര്‍ന്ന് ബിന്ദുവിന്റെ അമ്മ പൊലീസിന് പരാതി നല്‍കിയിരുന്നു. പരാതിയുടെ അടിസ്ഥാനത്തില്‍ വീട്ടിലെത്തിയ പൊലീസ് നടത്തിയ തെരച്ചിലില്‍ ആണ് ബിന്ദുവിനെയും മകളെയും കിണറ്റില്‍ മരിച്ച നിലയില്‍ കണ്ടെത്തിയത്. ഫയര്‍ഫോഴ്‌സ് എത്തി ഇരുവരുടെയും മൃതദേഹങ്ങള്‍ പുറത്തേക്കെടുത്തു.

വഞ്ചിയൂര്‍ ക്ഷേമനിധി ബോര്‍ഡിലെ എല്‍ ഡി ക്ലര്‍ക്ക് ആണ് ബിന്ദു. ബിന്ദുവിന്റെ ഭര്‍ത്താവ് പ്രവീണിന്റെ മരണത്തെ തുടര്‍ന്നുള്ള മനോവിഷമം ആണ് ആത്മഹത്യയിലേക്ക് എത്തിച്ചത് തെന്നാണ് പൊലീസിന്റെ പ്രാഥമിക നിഗമനം. വെള്ളം എടുക്കുന്നതിനിടെ കാല്‍വഴുതി കിണറ്റില്‍ വീണായിരുന്നു പ്രവീണിന്റെയും മരണം.

Story Highlights: suicide, death

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top