17
Jun 2021
Thursday

ബെംഗളൂരു എഫ്സി താരം ഹർമൻജോത് ഖബ്ര ബ്ലാസ്റ്റേഴ്സിൽ

harmanjot khabra blasters bengaluru

കഴിഞ്ഞ സീസണുകളിൽ ബെംഗളൂരു എഫ്സിയിൽ കളിച്ച ഹർമൻജോത് ഖബ്ര ബ്ലാസ്റ്റേഴ്സിൽ. എത്ര വർഷത്തേക്കാണ് താരം ടീമിലെത്തിയത് എന്ന് വ്യക്തതയില്ലെങ്കിലും ഒരു വർഷത്തിലധികമാണ് കരാറെന്ന് ഖേൽ നൗ റിപോർട്ട് ചെയ്യുന്നു. ഔദ്യോഗിക പ്രഖ്യാപനം അടുത്ത ദിവസങ്ങളിൽ ഉണ്ടായേക്കും.

33കാരനായ ഖബ്ര മധ്യനിര താരമാണ്. എന്നാൽ, ഇദ്ദേഹത്തിന് പ്രതിരോധത്തിലും കളിക്കാനാവും. കഴിഞ്ഞ സീസണു ശേഷം തന്നെ ഖബ്ര ക്ലബ് വിടാൻ തീരുമാനിച്ചിരുന്നു. പല ക്ലബുകളിൽ നിന്നും ഓഫറുകൾ ലഭിച്ചിരുന്നു എങ്കിലും മികച്ച ഓഫർ മുന്നോട്ടുവച്ച ബ്ലാസ്റ്റേഴ്സിനു വേണ്ടി കളിക്കാൻ അദ്ദേഹം തീരുമാനിക്കുകയായിരുന്നു എന്നാണ് റിപ്പോർട്ട്.

2006ൽ സ്പോർട്ടിംഗ് ഗോവയിലൂടെയാണ് ഖബ്ര പ്രൊഫഷണൽ കരാർ ആരംഭിച്ചത്. 2009 മുതൽ 2016 വരെ അദ്ദേഹം ഈസ്റ്റ് ബംഗാളിൽ കളിച്ചു. ഐഎസ്എലിൻ്റെ ആദ്യ രണ്ട് സീസണുകളിൽ ഖബ്ര ചെന്നൈയിനായി വായ്പാടിസ്ഥാനത്തിൽ കളിച്ചു. 2016ൽ ചെന്നൈയിൻ അദ്ദേഹത്തെ വാങ്ങി. അക്കൊല്ലം ബെംഗളൂരുവിനു വേണ്ടി വായ്പാടിസ്ഥാനത്തിൽ കളിച്ച അദ്ദേഹത്തെ അടുത്ത സീസണിൽ ബെംഗളൂരു വാങ്ങുകയായിരുന്നു.

Story Highlights: harmanjot khabra joins kerala blasters from bengaluru fc

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top