20
Jun 2021
Sunday

കാട്ടുപാതയിൽ വെച്ച്​ ആന ഒരു കടുവയുടെ മുന്നിൽ പെട്ടു; പിന്നീട്​ സംഭവിച്ചത്

കാട്ടിലെ വേട്ടക്കാരാണ്​ കടുവകൾ. എന്നിരുന്നാലും ആനകളോട്​ കടുവകൾ അങ്ങനെ മുട്ടാൻ നിക്കാറില്ല. ഇപ്പോൾ അഭിനേത്രിയും ആക്​ടീവിസ്​റ്റുമായ ദിയ മിർസ പങ്കുവെച്ച ഒരു വീഡിയോയാണ് ട്വിറ്ററിൽ ​ ശ്രദ്ധിക്കപ്പെടുന്നത്​.

കാട്ടിലൂടെയുള്ള ഒരു വഴിയിലൂടെ ഒരു ആന നടന്നു വരികയായിരുന്നു. അപ്പോൾ വഴിയുടെ നടുവിലായി ഒരു കടുവ കിടക്കുന്നുണ്ടായിരുന്നു. പതിയെ നടന്നു വരുന്നതിനിടെ കടുവയെ കണ്ടെങ്കിലും ഗൗനിക്കാതെ ആന മുന്നോട്ടു നടക്കാൻ തുടങ്ങി.

അ​പ്പോൾ തലതിരിച്ച കടുവ പിറ​േകാട്ട്​ നോക്കിയപ്പോൾ ദേ വരുന്നു ഒരു ആന. കാണേണ്ട താമസം കാട്ടിലെ വേട്ടക്കാരൻ വാലും ചുരുട്ടി ഒരോട്ടം. വീഡിയോ കണ്ട്​ നിരവധി ട്വിറ്റർ യൂസേഴ്‌സാണ്​ അത്ഭുതം കൂറിയത്​.

ദിയ മിർസയുടെ വീഡിയോയ്ക്ക് ഒരു​ ലക്ഷത്തിലേറെ കാഴ്​ചക്കാരെ ലഭിച്ചു. നൂറുകണക്കിനാളുകളാണ്​ മൈക്രോബ്ലേഗിങ്​ സൈറ്റിൽ വിഡിയോക്ക്​ കീഴിൽ കമന്റ് രേഖപ്പെടുത്തിയത്.

‘ഞാൻ എല്ലാഴ്​പ്പോഴും പറയുംപോലെ കാടി​ൻറെ അധിപൻ ആനയാണ്​. അവന്​ എതിരെ നിൽക്കാൻ ആരും ആഗ്രഹിക്കുന്നില്ല’ -ഐ.എഫ്​.എസ്​ ഉ​ദ്യോഗസ്​ഥനായ പ്രവീൺ കസ്​വാൻ എഴുതി.

കടുവകൾ സാധാരണയായി മാൻ, കുരങ്ങൻ, പന്നി തുടങ്ങിയ സസ്തനികളെയാണ്​ ഇരയാക്കാറ്​. കടുവകൾ പൂർണ്ണവളർച്ചയെത്തിയ ആനകളെ വേട്ടയാടുന്ന സംഭവങ്ങൾ വിരളമാണ്. 2009ൽ ഇരവികുളം ദേശീയോദ്യാനത്തിൽ കടുവ ഒരു ആനയെ വേട്ടയാടിയതായി റിപ്പോർട്ടുകൾ പുറത്ത് വന്നിരുന്നു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top