പിഎസ്എലിലെ അവശേഷിക്കുന്ന മത്സരങ്ങൾ ജൂൺ 9ന് ആരംഭിക്കും
പാകിസ്താൻ സൂപ്പർ ലീഗിലെ അവശേഷിക്കുന്ന മത്സരങ്ങൾ ജൂൺ 9ന് ആരംഭിക്കും. അബുദാാബിയിൽ വച്ചാണ് മത്സരങ്ങൾ നടക്കുക. ആകെ 6 ഡബിൾ ഹെഡറുകൾ ഉണ്ടാവും. ജൂൺ 24നാവും ഫൈനൽ നടക്കുക. കൊവിഡ് ബാധയെ തുടർന്നാണ് പിഎസ്എൽ പാതിവഴിയിൽ നിർത്തിയത്. 14 മത്സരങ്ങളാണ് സീസണിൽ പൂർത്തിയായിട്ടുള്ളത്. ആകെ 34 മത്സരങ്ങളാണ് ഉള്ളത്.
ലാഹോർ ക്വലാൻഡേഴ്സും ഇസ്ലാമാദ് യുണൈറ്റഡും തമ്മിലുള്ള മത്സരത്തോടെയാണ് പിഎസ്എൽ പുനരാരംഭിക്കുക. പോയിൻ്റ് പട്ടികയിൽ യഥാക്രമം നാല്, മൂന്ന് സ്ഥാനങ്ങളിലാണ് ഇരു ടീമുകളും ഉള്ളത്.
ക്വെറ്റ ഗ്ലാഡിയേറ്റേഴ്സ് താരം ഫവാദ് അഹ്മദിനാണ് ആദ്യം കൊവിഡ് ബാധ സ്ഥിരീകരിച്ചത്. പിന്നീട് നടത്തിയ പരിശോധനയിലാണ് മറ്റ് മൂന്ന് പേർക്കു കൂടി കൊവിഡ് ബാധ സ്ഥിരീകരിച്ചത്. ഇതിനു പിന്നാലെ മറ്റ് മൂന്നു പേർക്ക് കൂടി കൊവിഡ് ബാധ സ്ഥിരീകരിച്ചതിനു പിന്നാലെയാണ് ലീഗ് നീട്ടിവെക്കാൻ തീരുമാനിച്ചത്.
താരങ്ങൾക്ക് കൊവിഡ് ബാധ സ്ഥിരീകരിച്ചെങ്കിലും പാകിസ്താൻ സൂപ്പർ ലീഗ് മുൻ നിശ്ചയപ്രകാരം തന്നെ നടത്തുമെന്ന് പാക് ക്രിക്കറ്റ് ബോർഡ് അറിയിച്ചിരുന്നു. മത്സരക്രമത്തിൽ മാറ്റമില്ലെന്നും സ്റ്റേഡിയത്തിൽ 50 ശതമാനം കാണികളെ അനുവദിക്കുന്നത് തുടരുമെന്നും പിസിബി അറിയിച്ചു. ഇത് വലിയ വിമർശനങ്ങൾക്ക് വഴിതെളിച്ചു. ഇതിനു പിന്നാലെയാണ് പിഎസ്എൽ അനിശ്ചിതകാലത്തേക്ക് നിർത്തിവച്ചത്.
Story Highlights: PSL To Resume On June 9
കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.
Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank
