25
Jun 2021
Friday

കുങ്കുമാദി തൈലം:ആയുർവേദത്തിലെ ‘മാന്ത്രിക തൈലം’

ചർമ്മത്തെ പുനരുജ്ജീവിപ്പിക്കുന്നതിനും, ചർമ്മത്തിലുണ്ടാകുന്ന ഡാര്‍ക്ക് സര്‍ക്കിള്‍സ് കുറയ്ക്കുന്നതിനും പ്രകൃതിദത്തമായ തിളക്കം നൽകുന്നതിനും കഴിയുന്ന ആയുർവേദ എണ്ണയാണ് കുങ്കുമാദി തൈലം. പരമ്പരാഗത രീതിയിലുള്ള ചര്‍മ സംരക്ഷണത്തില്‍ ഏറ്റവും മികച്ചതാണ് കുങ്കുമാദി തൈലം. പക്ഷേ മിക്ക ആളുകൾ‌ക്കും ഇത് എന്താണണെന്നും ഇതിൽ എന്താണ് അടങ്ങിയിരിക്കുന്നതെന്നും ഇത് ചർമ്മത്തെ എങ്ങനെ ബാധിക്കുമെന്നും അറിയില്ല എന്നതാണ് സത്യം.

എന്താണ് കുങ്കുമാദി തൈലം?

ഔഷധസസ്യങ്ങൾ, മറ്റ് സസ്യങ്ങൾ, പൂക്കൾ, പഴങ്ങൾ, പാൽ സത്ത് എന്നിവയുടെ ആയുർവേദ രീതിയിലുള്ള സംയോജനമാണ് കുങ്കുമാദി തൈലം. ഇത് ചർമ്മത്തിന് മികച്ച ഗുണങ്ങൾ നൽകുന്നുണ്ട്. ഈ എണ്ണ അത്ഭുതങ്ങൾ പ്രവർത്തിക്കും എന്നതാണ് യാഥാർഥ്യം. ചർമ്മവുമായി ബന്ധപ്പെട്ട പ്രശ്നങ്ങൾ ഇല്ലാതാക്കാനും ചർമ്മത്തിെൻറ സ്വാഭാവിക തിളക്കം പുറത്തെടുക്കാനും ഇത് നിങ്ങളെ സഹായിക്കും.

‘കുങ്കുമാദി’ എന്ന പേര് അതിെൻറ തൈലത്തിലെ പ്രധാന ഘടകമായ ‘കുങ്കുമ’ത്തിൽ നിന്നാണ് ഉത്ഭവിച്ചത്. സംസ്കൃതത്തിൽ ‘കുംകുമ’ എന്നും അറിയപ്പെടുന്നു. കുങ്കുമം ചർമ്മകോശങ്ങളെ പുനരുജ്ജീവിപ്പിക്കുകയും രക്തചംക്രമണം പ്രോത്സാഹിപ്പിക്കുകയും ചെയ്യും. ഇത് നിങ്ങളുടെ നിറം തെളിച്ചമുള്ളതാക്കാൻ സഹായിക്കും. ഈ എണ്ണ ചർമ്മത്തിന് ഒരു ദോഷവും വരുത്താതെ കോസ്മെറ്റിക്, ചികിത്സാ ഫലങ്ങൾ നൽകുന്നു. ചർമ്മത്തെ പോഷിപ്പിക്കുന്നതിന് പുറമേ, ഇത് ഒരു ക്ലെൻസർ, ടോണർ, മോയ്‌സ്ചുറൈസർ എന്നിവയായും പ്രവർത്തിക്കുന്നുണ്ട്.

ചർമ്മത്തെ മികച്ചതാക്കി മാറ്റാൻ കുങ്കുമാദി തൈലത്തിലെ വ്യത്യസ്ത ചേരുവകൾ എങ്ങനെ ഒത്തുചേരുന്നു എന്നറിയാം:

കുങ്കുമം: ഇത് പ്രകൃതിദത്തമായ ചർമ്മത്തിെൻറ തിളക്കം നൽകാൻ സഹായിക്കുന്നു. ചർമ്മത്തിെൻറ ഇരുണ്ട ഘടനയിൽ മാറ്റം വരുത്തുന്നു. ഡാര്‍ക്ക് സര്‍ക്കിള്‍സ് കുറയ്ക്കുന്നു. ഹൈപ്പർ പിഗ്മേൻറഷനും വാർദ്ധക്യത്തിെൻറ ലക്ഷണങ്ങളും മാറ്റി ചർമ്മം തെളിഞ്ഞതാക്കുന്നു.

മൻജിഷ്ട: രക്തചംക്രമണം മെച്ചപ്പെടുത്താന്‍ സഹായിക്കുന്ന ഘടകമാണ് ഇത്. ഇത് ഇരുണ്ട നിറം പുറന്തള്ളാൻ സഹായിക്കുകയും പിഗ്മേൻറഷൻ കുറയ്ക്കുകയും ചെയ്യും. മാത്രമല്ല വേഗത്തിൽ മുറിവ് ഉണക്കുന്നതിനും സഹായിക്കും. മുഖത്തെ പലവിധത്തിലുള്ള വീക്കം കുറയ്ക്കും.

ലക് (ലക്ഷ): ലാകിൽ (ലക്ഷ) നിന്ന് ലഭിക്കുന്ന എണ്ണ ആൻറി ഫംഗൽ ഗുണങ്ങൾ അടങ്ങിയതാണ്. ഇത് ലാക് പ്രാണികളുടെ സ്രവത്തിൽ നിന്ന് ഉരുത്തിരിഞ്ഞ് വരുന്നതാണ്. ചർമ്മ അണുബാധകളെ ചികിത്സിക്കാൻ ഉപയോഗപ്രദമായ ഒന്നാണിത്.

ചന്ദനം: മുഖക്കുരു, കറുത്ത പാടുകള്‍ എന്നിവ കുറയ്ക്കാൻ സഹായിക്കുന്നു. മുഖത്തെ അടയാളങ്ങൾ, സൺ ടാൻ, മങ്ങല്‍ എന്നിവയെല്ലാം മാറ്റാന്‍ ചന്ദനത്തിന് കഴിയും. ചർമ്മത്തിൽ നിന്ന് അധിക എണ്ണ നീക്കം ചെയ്യുന്നതിനും ഇത് സഹായിക്കും.

മഞ്ഞൾ: ഇതിന് ശക്തമായ ആൻറി-ബാക്ടീരിയൽ ആൻറി സെപ്റ്റിക് ഗുണങ്ങളുണ്ട്. ഇത് ചർമ്മ അണുബാധകൾ ഒഴിവാക്കുന്നതിനും ചർമ്മത്തിെൻറ വിവിധ അവസ്ഥകളെ ചികിത്സിക്കുന്നതിനും സഹായിക്കുന്നു.

മധുയഷ്തി: പ്രകൃതിദത്തമായ ചർമ്മ നിറം പുറത്ത് വരുത്തുന്ന ആയുർവേദ ഘടകമായ ലൈക്കോറൈസ് റൂട്ട് എക്സ്ട്രാക്റ്റ്, സൂര്യപ്രകാശം മൂലമുണ്ടാകുന്ന പിഗ്മേൻറഷന് കാരണമാകുന്ന എൻസൈമിനെ തടയുന്നു.

നീലോൽപലം: വാട്ടർ ലില്ലി എന്നറിയപ്പെടുന്ന നീലോൽപലം ചർമ്മത്തിെൻറ നിറം തിളക്കമാർന്നതാക്കുന്നു. ചർമ്മത്തിന്‍റെ പ്രകോപനം ഒഴിവാക്കി ചർമ്മത്തെ പുനരുജ്ജീവിപ്പിക്കുന്നു.

ന്യരോദ്‌ന: ഇത് അടിസ്ഥാനപരമായി ബനിയൻ മരത്തിെൻറ ഇലയാണ്. ഇത് ചർമ്മത്തിലെ അടയാളങ്ങൾ ചികിത്സിക്കാനും മുറിവുകൾ ഭേദമാക്കാനും വിവിധ ചർമ്മ അണുബാധകൾ തടയാനും ഉപയോഗിക്കുന്നു.

കമല കേസര: കുങ്കുമാദി തൈലത്തിലെ താമരയുടെ അളവ് സ്വാഭാവിക സ്കിൻ കണ്ടീഷണറായി പ്രവർത്തിക്കുകയും ചർമ്മത്തെ മോയ്സ്ചറൈസ് ചെയ്യുന്നതിന് സഹായിക്കുകയും ചെയ്യുന്നു. മുഖക്കുരു പൊട്ടുന്നതും വരണ്ട ചർമ്മവും ഇത് തടയുന്നു.

സാധാരണ എല്ലാവരും ഉപയോഗിക്കുന്ന ഒന്നല്ല ഈ തൈലം. കാരണം ഇതെക്കുറിച്ചുള്ള കൃത്യമായ അറിവില്ലായ്മ തന്നെ. ഇത് നിങ്ങളുടെ രാത്രി സ്കിൻ‌കെയർ ദിനചര്യയുടെ ഭാഗമായി ഉപയോഗിക്കാം. മുഖം വൃത്തിയാക്കി വിരൽത്തുമ്പിൽ മുഖത്തിന് മുകളിൽ കുങ്കുമാദി തൈലം പുരട്ടിക്കൊണ്ട് ആരംഭിക്കാം. പൂർണ്ണമായും ചർമ്മം ഇത് ആഗിരണം ചെയ്യുന്നതുവരെ മസാജ് ചെയ്യണം. മികച്ച ഫലങ്ങൾക്കായി ഈ എണ്ണ രാത്രിമുഴുവൻ അതുപോലെ ചര്‍മത്തില്‍ വെച്ച് അടുത്ത ദിവസം രാവിലെ കഴുകി കളയാം.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top