മുടി ‘ഡ്രൈ’ ആകാതിരിക്കാൻ ബദാം-വാഴപ്പഴം മാസ്ക്

മുടിയുടെ സംരക്ഷണം അവഗണിക്കുമ്പോൾ അത് മുടി കൊഴിച്ചിലിന്റെ രൂപത്തിലും വരണ്ട മുടിയായും താരന്റെ രൂപത്തിലുമെല്ലാം വളരെയധികം ദോഷഫലങ്ങൾ കാണിക്കാൻ തുടങ്ങും! നിങ്ങളുടെ മുടിക്ക് മോയ്സ്ചറൈസേഷൻ അഥവാ ഈർപ്പം പകരേണ്ടത് ആവശ്യമാണെന്നതിന്റെ ഏറ്റവും വലിയ അടയാളങ്ങളിലൊന്നാണ് മുടി വരണ്ടുപോകുന്ന അവസ്ഥ. കാലക്രമേണ, അത് മുടി പിളരുന്നത്, പൊട്ടൽ, മുടി കൊഴിച്ചിൽ എന്നിവയിലേക്ക് നയിച്ചേക്കാം. ഇതെല്ലാം നമ്മുടെ മുടിയുടെ ആരോഗ്യത്തെ നശിപ്പിക്കുകയും വളർച്ചയെ ബാധിക്കുകയും ചെയ്യുന്നു.

വരണ്ട മുടിക്ക് പരിഹാരം എന്താണ്? നിങ്ങളുടെ മുടിക്ക് പതിവായി മോയ്സ്ചറൈസേഷൻ അഥവാ ഈർപ്പം നൽകുക. ഇപ്പോൾ, ഇതിന് സഹായിക്കുന്ന ധാരാളം ഉൽപ്പന്നങ്ങൾ വിപണിയിൽ ലഭ്യമാണ്. പക്ഷേ അവയുടെ രാസ സ്വഭാവം കാരണം, അതിന്റെ ഫലങ്ങൾ ഹ്രസ്വ നേരത്തേക്ക് മാത്രമേ നിലനിൽക്കുകയുള്ളൂ. അതുകൊണ്ട് പ്രകൃതിദത്ത മാർഗ്ഗങ്ങൾ കഴിവതും സ്വീകരിക്കുക, ഇത് എത്രമാത്രം വ്യത്യാസമുണ്ടാക്കുമെന്ന് നിങ്ങൾക്ക് കാണാൻ സാധിക്കും. വരണ്ട മുടിക്ക് ആഴത്തിൽ ജലാംശം നൽകുന്നതിന് നിങ്ങൾ പ്രകൃതിദത്ത ഹെയർ മാസ്കിനായി തിരയുകയാണെങ്കിൽ, നിങ്ങൾക്ക് അതിനായി രണ്ട് ചേരുവകൾ മാത്രമേ ആവശ്യമുള്ളൂ: വാഴപ്പഴവും ബദാമും!

ഗുണങ്ങൾ

പൊട്ടാസ്യം, സിലിക്ക, പ്രകൃതിദത്ത എണ്ണകൾ എന്നിവയുടെ ശക്തികേന്ദ്രമാണ് വാഴപ്പഴം. സിലിക്ക, പ്രത്യേകിച്ച്, കൊളാജൻ ഉത്പാദിപ്പിക്കാൻ ശരീരത്തെ സഹായിക്കുകയും മുടി ശക്തമാകുമെന്ന് ഉറപ്പാക്കുകയും ചെയ്യുന്നു. എന്തിനധികം, വാഴപ്പഴം ശിരോചർമ്മത്തിനും മുടിക്കും ഈർപ്പം പകരുന്നു, ഇത് മുടി തിളക്കമുള്ളതും കൈകാര്യം ചെയ്യാവുന്നതുമാക്കി മാറ്റുന്നതാണ്. മറ്റൊരു പ്രധാന ചേരുവയായ ബദാം പ്രകൃതിദത്ത എണ്ണകളാൽ സമ്പുഷ്ടമാണ്, ഇത് നിങ്ങളുടെ ശിരോചർമ്മത്തിലും മുടിയിഴകളിലും ആഴത്തിൽ ജലാംശം നൽകുന്നു. കൂടാതെ, അതിൽ വിറ്റാമിൻ ഇ അടങ്ങിയിട്ടുണ്ട്, ഇത് ആരോഗ്യകരമായ മുടിയുടെ വളർച്ചയ്ക്ക് അത്യന്താപേക്ഷിതമാണ്. മാത്രമല്ല, ഇത് നിങ്ങളുടെ മുടിയുടെ ഘടന മെച്ചപ്പെടുത്തുകയും ചെയ്യും.

തയ്യാറാക്കാൻ വേണ്ടത്

4-5 ബദാം
1 വാഴപ്പഴം
2 ടീസ്പൂൺ തൈര്

തയ്യാറാക്കുന്ന വിധം

വാഴപ്പഴം – ബദാം ഹെയർ മാസ്ക് നിങ്ങൾക്ക് എങ്ങനെ തയ്യാറാക്കാമെന്നത് ഇതാ:

ബദാം കുറച്ച് നേരം വെള്ളത്തിൽ മുക്കിവയ്ക്കുക. ഇത് അവയെ മയപ്പെടുത്തുകയും അവ ചതച്ചെടുക്കുവാൻ എളുപ്പമാക്കുകയും ചെയ്യും. ബദാം അരച്ച് പേസ്റ്റ് ഉണ്ടാക്കാൻ നിങ്ങൾക്ക് ഒരു ബ്ലെൻഡറോ മിക്സിയോ ഉപയോഗിക്കാം.

അടുത്തതായി, ഒരു വാഴപ്പഴം നന്നായി ഉടച്ചെടുത്ത് അതിലേക്ക് ബദാം പേസ്റ്റ് ചേർക്കുക.

ഇനി, രണ്ട് ടീസ്പൂൺ തൈര് ഈ മിശ്രിതത്തിലേക്ക് ചേർക്കുക. ഹെയർ മാസ്കിന് വേണ്ട സ്ഥിരത കൈവരിക്കാൻ ഇത് നിങ്ങളെ സഹായിക്കും. മുടിയുടെ നീളം അനുസരിച്ച് നിങ്ങൾക്ക് തൈരിന്റെ അളവ് ക്രമീകരിക്കാൻ കഴിയും. എന്തിനധികം, തൈരിൽ കൊഴുപ്പ് അടങ്ങിയിരിക്കുന്നതിനാൽ എത്തപ്പഴത്തിന്റെയും ബദാമിന്റെയും ജലാംശം അത് വർദ്ധിപ്പിക്കും!

പേസ്റ്റ് പോലുള്ള സ്ഥിരത ലഭിക്കുന്നതുവരെ ഈ ചേരുവകൾ ഒരുമിച്ച് കലർത്തുക.

എങ്ങനെ ഉപയോഗിക്കണം?

ഘട്ടം 1: മുടി ഓരോ വിഭാഗങ്ങളായി തിരിച്ച് ഓരോ ഇഴകളിലും ഹെയർ മാസ്ക് പ്രയോഗിക്കുക. ഈ ഹെയർ മാസ്ക് നിങ്ങളുടെ വേരുകളിലും മുടിയുടെ നീളത്തിലും പ്രയോഗിച്ച്, തല മുഴുവൻ മൂടുക.

ഘട്ടം 2: ഷവർ ക്യാപ് ഉപയോഗിച്ച് മുടി മൂടുക. ഇതുകൂടാതെ, നിങ്ങൾക്ക് ഒരു ടവ്വൽ ചൂടുവെള്ളത്തിൽ മുക്കി അധിക വെള്ളം നീക്കംചെയ്യാൻ പിഴിഞ്ഞെടുക്കാം. ഈ ടവ്വൽ കൊണ്ട് നിങ്ങളുടെ തല മൂടുമ്പോൾ, നിങ്ങൾ പ്രധാനമായും മുടിക്ക് ആവി പകരുകയാണ്. ഇത് ഈ ഹെയർ മാസ്കിന്റെ ആഗിരണം വർദ്ധിപ്പിക്കും.

ഘട്ടം 3: ചെറുചൂടുള്ള വെള്ളം ഉപയോഗിച്ച് കഴുകുന്നതിനു മുമ്പ് ഹെയർ മാസ്ക് 15 മുതൽ 20 മിനിറ്റ് വരെ തലയിൽ തുടരുവാൻ അനുവദിക്കുക.

അതിനാൽ, വരണ്ട മുടിയെ ചികിത്സിക്കുന്നതിനും പതിവായി എല്ലാത്തരം കേശ സംബന്ധമായ പ്രശ്‌നങ്ങളിൽ നിന്നും അകന്നുനിൽക്കുന്നതിനും ഈ വാഴപ്പഴം ബദാം ഹെയർ മാസ്ക് പതിവായി ഉപയോഗിക്കുന്നുണ്ടെന്ന് ഉറപ്പാക്കുക!