25
Jun 2021
Friday

പാല്‍ പിരിഞ്ഞുപോയോ.. എങ്കില്‍ പുഡ്ഡിംഗ് തയാറാക്കാം; ചില അടുക്കള നുറുങ്ങു വിദ്യകൾ

അടുക്കളയിലെ ജോലി ഭാരം ഒഴിവാക്കാന്‍ അടുക്കള നുറുങ്ങുകള്‍ സഹായിക്കാറുണ്ട്. ഭക്ഷണത്തിന് രുചികൂട്ടാനും മാര്‍ദവം ലഭിക്കാനുമെല്ലാം ഈ നുറുങ്ങുകള്‍ പരീക്ഷിക്കാവുന്നതാണ്.

  • പാല്‍ കാച്ചുമ്പോള്‍ പിരിഞ്ഞുപോയാല്‍ വെള്ളം ഊറ്റിക്കളഞ്ഞശേഷം ഒരു മുട്ടയും ആവശ്യത്തിന് പഞ്ചസാരയും ചേര്‍ത്ത് മിക്‌സിയില്‍ അടിക്കുക. ഇത് ആവി കയറ്റിയാല്‍ രുചിയുള്ള പുഡ്ഡിംഗ് തയാർ.
  • ചെറിയ അളവില്‍ ഏലക്ക പൊടിക്കുമ്പോള്‍ കുറച്ച് പഞ്ചസാരയും ചേര്‍ത്ത് പൊടിക്കുക. ഇത് മധുരപലഹാരങ്ങളില്‍ ചേര്‍ക്കാം.
  • ലഡു ബാക്കി വന്നാല്‍ ഫ്രിഡ്ജില്‍ വെച്ച് ആവശ്യാനുസരണം മൈക്രോവേവ് ഒവ്‌നില്‍ വെച്ച് 10-20 സെക്കന്റ് ചൂടാക്കിയാല്‍ പുതിയതുപോലെ തോന്നിക്കും.
  • പച്ചരി കൊണ്ട് പാല്‍പ്പായസം ഉണ്ടാക്കുമ്പോള്‍ അരി നല്ലവണ്ണം വെന്തശേഷം മാത്രമേ പഞ്ചസാര ചേര്‍ക്കാവൂ. അല്ലെങ്കില്‍ അരി കല്ലിച്ച് പോകും.
  • അടപ്രഥമനും പായസവും കുറുകിപ്പോയാല്‍ അല്പം പശുവിന്‍പാല്‍ ഇളം ചൂടോടെ ചേര്‍ത്താല്‍ മതി.
  • പുഡ്ഡിംഗ് അലങ്കരിക്കുവാന്‍ പഴങ്ങള്‍ ഉപയോഗിക്കുമ്പോള്‍ മാവ് പുരട്ടിയശേഷം വെച്ചാല്‍ അത് താഴ്ന്നുപോവുകയില്ല.
  • പഞ്ചസാരപ്പാനി ഉണ്ടാക്കുമ്പോള്‍ അല്പം ചെറുനാരങ്ങനീര് ചേര്‍ത്താല്‍ പാനി കട്ടകെട്ടുകയില്ല.
  • കാരറ്റ് ഹല്‍വ ഉണ്ടാക്കുമ്പോള്‍ നന്നായി പഴുത്ത ഒരു തക്കാളി ചേര്‍ത്തു നോക്കൂ. വ്യത്യസ്തമായ രുചി കിട്ടും, നിറവും കൂടും.
  • ഇന്‍സ്റ്റന്റ് പൗഡര്‍ കൊണ്ട് ഗുലാബ് ജാമുന്‍ ഉണ്ടാക്കുമ്പോള്‍ വെള്ളത്തിനുപകരം പാല്‍ ചേര്‍ത്താല്‍ നല്ല മാര്‍ദവം കിട്ടും.
  • ദോശമാവില്‍ ഒരു നുള്ള് പഞ്ചസാര ചേര്‍ത്താല്‍ വേഗം പുളിക്കും.
  • മുട്ട പൊരിക്കുന്നതില്‍ റൊട്ടി പൊടി ചേര്‍ത്താല്‍ രുചി കൂടും.
  • പ്ലാസ്റ്റിക്ക് കവറില്‍ ദ്വാരമിട്ട് ആപ്പിള്‍ ഫ്രിഡ്ജില്‍ സൂക്ഷിച്ചാല്‍ കുറേ നാള്‍ കേടുകൂടാതെയിരിക്കും.
  • വെളിച്ചെണ്ണയില്‍ രണ്ടു മൂന്നു മണി കുരുമുളകിട്ട് സൂക്ഷിച്ചാല്‍ വേഗം കേടുവരില്ല.
  • ആറ് സ്പൂണ്‍ വെളുത്തുള്ളി അരിഞ്ഞതും നാല് സ്പൂണ്‍ ഇഞ്ചി അരിഞ്ഞതും എന്ന പാകത്തില്‍ ഇഞ്ചി വെള്ളുത്തുള്ളി പേസ്റ്റ് തയ്യാറാക്കിയാല്‍ രുചി കൂടും.
  • പച്ചക്കായ മുറിക്കുമ്പോള്‍ കൈയിലും കത്തിയിലും വെളിച്ചെണ്ണ തേച്ചാല്‍ കറ പിടിക്കില്ല.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top