23
Jun 2021
Wednesday

പല്ലിന് വെണ്മ കിട്ടാൻ ചില പൊടിക്കൈകൾ

നിങ്ങളുടെ പല്ലുകൾ മങ്ങിയതും മഞ്ഞനിറമുള്ളതുമായി മാറ്റുന്ന വിവിധ ഘടകങ്ങളുണ്ട്. ചില ഭക്ഷണങ്ങൾക്ക് നിങ്ങളുടെ പല്ലിന്റെ ഏറ്റവും പുറം പാളിയായ ഇനാമലിന് കറയുണ്ടാക്കുവാൻ കഴിയും. കൂടാതെ, നിങ്ങളുടെ പല്ലിൽ പ്ലാക്ക് അടിഞ്ഞുകൂടുന്നതും പല്ല് മഞ്ഞനിറമാകാൻ കാരണമാകും.

പല്ല് വെളുപ്പിക്കുന്നതിനുള്ള ലളിതമായ ചില പരിഹാരങ്ങൾ ഇതാ;

എണ്ണ ഉപയോഗിച്ച് കുൽക്കുഴിയുന്നത് പരിശീലിക്കുക

വായയുടെ ശുചിത്വം മെച്ചപ്പെടുത്തുകയും ശരീരത്തിൽ നിന്ന് വിഷവസ്തുക്കളെ നീക്കം ചെയ്യുകയും ചെയ്യുന്ന ഒരു പരമ്പരാഗത പരിഹാരമാണ് ഓയിൽ പുള്ളിങ് അഥവാ എണ്ണ ഉപയോഗിച്ച് കുൽക്കുഴിയുക എന്നത്. നിങ്ങളുടെ വായിൽ എണ്ണ ഉപയോഗിച്ച് കുൽക്കുഴിയുന്നതിലൂടെ പ്ലാക്ക് ആയി മാറി പല്ലുകൾ മഞ്ഞനിറമാക്കുന്ന ബാക്ടീരിയകളെ നീക്കം ചെയ്യുവാൻ സാധിക്കുന്നു.

വായ കുൽക്കുഴിയുവാൻ ഏറ്റവും സാധാരണയായി ഉപയോഗിക്കുന്ന എണ്ണകളിൽ സൂര്യകാന്തി എണ്ണ, എള്ള് എണ്ണ എന്നിവ ഉൾപ്പെടുന്നു. നിങ്ങൾക്ക് ലോറിക് ആസിഡ് കൂടുതലുള്ള വെളിച്ചെണ്ണയും ഇതിനായി ഉപയോഗിക്കാം, ഇത് വീക്കം കുറയ്ക്കാനും ബാക്ടീരിയകളെ നശിപ്പിക്കുവാനുമുള്ള കഴിവുകൾക്ക് പേരുകേട്ടതാണ്.

എള്ള് എണ്ണ ഉപയോഗിച്ച് കുൽക്കുഴിയുന്നത് പ്ലാക്കിനും മോണപ്പഴുപ്പിനും കാരണമാകുന്ന സ്ട്രെപ്റ്റോകോക്കസ് മ്യൂട്ടൻസ് ബാക്ടീരിയയെ കുറയ്ക്കുന്നു.

എണ്ണ കൊണ്ട് കുൽക്കുഴിയുന്നതിനായി, ഒരു ടേബിൾ സ്പൂൺ വെളിച്ചെണ്ണ വായിൽ ഒഴിക്കുക, പല്ലിലൂടെ എണ്ണ തടവുക. ഇത് സുരക്ഷിതമായ ഒരു പരിശീലനമാണ് എന്നതിനാൽ ആർക്കും ഇത് ചെയ്യാൻ കഴിയും.

​ബേക്കിംഗ് സോഡ ഉപയോഗിച്ച് ബ്രഷ് ചെയ്യുക

സ്വാഭാവികമായി പല്ലുകളെ വെളുപ്പിക്കുവാൻ കഴിയുന്ന ഗുണങ്ങൾ ബേക്കിംഗ് സോഡയ്ക്കുണ്ട്. അതിനാൽ ടൂത്ത് പേസ്റ്റിൽ ഉപയോഗിക്കുന്ന ഒരു പ്രധാന ഘടകമാണിത്. പല്ലിലെ കറ കളയാൻ കഴിയുന്ന ഒരു ഉത്തമ ചേരുവ കൂടിയാണിത്.

വായിൽ ഒരു ക്ഷാര അന്തരീക്ഷം സൃഷ്ടിക്കാനും ഇത് സഹായിക്കുന്നു, ഇത് ബാക്ടീരിയകൾ വളരുന്നത് തടയുന്നു. ബേക്കിംഗ് സോഡയ്ക്ക് നിങ്ങളുടെ പല്ല് വെളുപ്പിക്കാൻ കഴിയുമെന്ന് ശാസ്ത്രീയമായി ഇതുവരെ തെളിയിച്ചിട്ടില്ല, പക്ഷേ പഠനങ്ങൾ കാണിക്കുന്നത് ബേക്കിംഗ് സോഡയുള്ള ടൂത്ത് പേസ്റ്റ് പല്ലിനെ വെളുപ്പിക്കാൻ സഹായിക്കുന്ന ഫലമുണ്ടാക്കുമെന്നാണ്.

ഈ പ്രതിവിധി ഉപയോഗിക്കുന്നതിന്, നിങ്ങൾക്ക് ഒരു ടീസ്പൂൺ ബേക്കിംഗ് സോഡ 2 ടീസ്പൂൺ വെള്ളത്തിൽ കലർത്തി പല്ല് തേയ്ക്കാം. നിങ്ങൾക്ക് ആഴ്ചയിൽ രണ്ടോ മൂന്നോ തവണ ഇത് ചെയ്യാൻ കഴിയും.

​ഹൈഡ്രജൻ പെറോക്സൈഡ്

ഹൈഡ്രജൻ പെറോക്സൈഡിന് പ്രകൃതിദത്ത ബ്ലീച്ചിംഗ് ഗുണങ്ങളാണുള്ളത്, ഇത് നിങ്ങളുടെ വായിലെ ബാക്ടീരിയകളെ നശിപ്പിക്കുന്നു. ബാക്ടീരിയകളെ നശിപ്പിക്കുവാനുള്ള കഴിവ് കാരണം ഹൈഡ്രജൻ പെറോക്സൈഡ് കാലങ്ങളായി മുറിവുകൾ വൃത്തിയാക്കാൻ ഉപയോഗിക്കുന്നു.

ബേക്കിംഗ് സോഡയും ഒരു ശതമാനം ഹൈഡ്രജൻ പെറോക്സൈഡും അടങ്ങിയ ടൂത്ത് പേസ്റ്റുകൾ പല്ലുകൾ വെളുപ്പിക്കാൻ സഹായകമാണെന്ന് പഠനങ്ങൾ കണ്ടെത്തിയിട്ടുണ്ട്.

ബേക്കിംഗ് സോഡയും ഹൈഡ്രജൻ പെറോക്സൈഡും അടങ്ങിയ ടൂത്ത് പേസ്റ്റ് ദിവസത്തിൽ രണ്ടു തവണ ഉപയോഗിക്കുമ്പോൾ 6 ആഴ്ചയ്ക്കുള്ളിൽ 62 ശതമാനത്തോളം വെളുത്ത പല്ലുകൾ ഉണ്ടാകുമെന്ന് മറ്റൊരു പഠനം കണ്ടെത്തി.

ഹൈഡ്രജൻ പെറോക്സൈഡിന്റെ സുരക്ഷയെക്കുറിച്ച് ചില ചോദ്യങ്ങളുണ്ടെന്ന കാര്യം ശ്രദ്ധിക്കേണ്ടതാണ്. ലയിപ്പിച്ച രൂപത്തിൽ ഇത് സുരക്ഷിതമാണ്. എന്നാൽ ഇത് കട്ടിയുള്ള രൂപത്തിൽ അല്ലെങ്കിൽ അമിതമായി ഉപയോഗിക്കുന്നുവെങ്കിൽ, പല്ലിലെ പുളിപ്പിനും മോണയിൽ അസ്വസ്ഥത ഉണ്ടാകുന്നതിനും കാരണമാകും.

പഴങ്ങളും പച്ചക്കറികളും കഴിക്കുക

പഴങ്ങളും പച്ചക്കറികളും അടങ്ങിയ ഭക്ഷണക്രമം നിങ്ങളുടെ മൊത്തത്തിലുള്ള ആരോഗ്യത്തിനും പല്ലുകൾക്കും മികച്ചതാണ്. പഴങ്ങൾ, പച്ചക്കറികൾ എന്നിവ നിങ്ങൾ ചവച്ചരച്ച് കഴിക്കുന്നത് പ്ലാക്കിനെ നീക്കം ചെയ്യാൻ സഹായിക്കും. ഇത് പല്ല് തേയ്ക്കുന്നതിന് പകരമല്ലെങ്കിലും ഗുണം ചെയ്യുന്നതാണ്. നിങ്ങളുടെ പല്ല് വെളുപ്പിക്കുമെന്ന് അവകാശപ്പെടുന്ന രണ്ട് പഴങ്ങളാണ് സ്ട്രോബെറി, പൈനാപ്പിൾ എന്നിവ.

​പല്ലിലെ കറ തടയുക

പ്രായമാകുമ്പോൾ പല്ലുകളുടെ നിറം മഞ്ഞയായി മാറും. എന്നാൽ, ലളിതമായ ചില കാര്യങ്ങൾ ചെയ്യുന്നതിലൂടെ നിങ്ങൾക്ക് ഈ കറ തടയാൻ കഴിയും.

കാപ്പി, റെഡ് വൈൻ, സോഡ, സരസഫലങ്ങൾ എന്നിവ കഴിക്കുന്നത് പരിമിതപ്പെടുത്തുക. ഇവയെല്ലാം പല്ലുകൾക്ക് കറ ഉണ്ടാക്കുന്നതിന്റെ പേരിൽ കുപ്രസിദ്ധമാണ്. എന്നാൽ, ഈ ഭക്ഷണ പദാർത്ഥങ്ങൾ പൂർണ്ണമായും ഒഴിവാക്കേണ്ടതില്ല, പക്ഷേ അവയുടെ അളവ് നിങ്ങൾ പരിമിതപ്പെടുത്തണം.

പല്ലുകൾക്ക് കറ വരാൻ സാധ്യതയുള്ള പാനീയങ്ങൾ ഒരു സ്ട്രോയുടെ സഹായത്തോടെ നിങ്ങൾക്ക് കുടിക്കാം. അത്തരം പാനീയങ്ങൾ കുടിച്ചുകഴിഞ്ഞാൽ ഉടൻ തന്നെ നിങ്ങൾ പല്ല് തേക്കണം.

പുകയില ചവയ്ക്കുന്നതും, സിഗരറ്റ് വലിക്കുന്നതും പല്ലിന്റെ നിറം മാറാൻ കാരണമാകും. അതിനാൽ, ഇവ രണ്ടും പൂർണ്ണമായും ഒഴിവാക്കുക.

നിങ്ങൾ കഴിക്കുന്ന പഞ്ചസാരയുടെ അളവ് പരിമിതപ്പെടുത്തുക, വളരെയധികം പഞ്ചസാര, ബാക്ടീരിയകളുടെ വളർച്ച വർദ്ധിപ്പിക്കുകയും പ്ലാക്കിനും മോണരോഗത്തിനും കാരണമാവുകയും ചെയ്യും. പഞ്ചസാര നിറഞ്ഞ ഭക്ഷണം കഴിച്ചതിനു ശേഷം പല്ല് തേയ്ക്കുന്ന കാര്യം മറക്കരുത്.

പല്ലിന്റെ ഇനാമൽ പൊളിഞ്ഞിളകുന്നതിൽ നിന്ന് പല്ലുകളെ സംരക്ഷിക്കാൻ സഹായിക്കുന്നതിന് ചീസ്, പാൽ തുടങ്ങിയ കാൽസ്യം അടങ്ങിയ ഭക്ഷണങ്ങൾ കഴിക്കുക.

പ്ലാക്ക് ഉണ്ടാകുന്നതിന്റെ ഫലമായിട്ടാണ് പല്ലിന്റെ നിറം മാറുന്നത്. പതിവായി പല്ല് തേക്കുന്നതും നാവ് വടിക്കുന്നതും നിങ്ങളുടെ പല്ലുകൾ വെളുത്തതായിരിക്കാനും വായിലെ ബാക്ടീരിയകൾ കുറയ്ക്കാനും പ്ലാക്കിന്റെ രൂപീകരണം തടയുന്നതിനും സഹായിക്കും.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top