02
Aug 2021
Monday

സംസ്ഥാനത്ത് ഡൽറ്റാ വൈറസ് സാന്നിധ്യം കൂടുതൽ നാൾ ഉണ്ടായേക്കാം : മുഖ്യമന്ത്രി

delta virus may sustain in kerala for long time says cm

സംസ്ഥാനത്ത് ഡൽറ്റാ വൈറസ് സാന്നിധ്യം കൂടുതൽ നാൾ ഉണ്ടായേക്കാമെന്ന് മുഖ്യമന്ത്രി പിണറായി വിജയൻ. പതിവ് വാർത്താ സമ്മേളനത്തിലാണ് മുഖ്യമന്ത്രി ഇക്കാര്യം പറഞ്ഞത്. വാക്‌സിൻ എടുത്തവരിലും രോഗം ഭേദമായവരിലും ഇനിയും രോഗം വന്നേക്കാമെന്നും അതുകൊണ്ട് തന്നെ ഇവർ കൊവിഡ് മാനദണ്ഡങ്ങൾ പൂർണമായും പാലിക്കണമെന്നും മുഖ്യമന്ത്രി പറഞ്ഞു.

ഡെൽറ്റാ വൈറസ് സാന്നിധ്യം സംസ്ഥാനത്ത് ഉണ്ടെന്നും കൊവിഡ് മാനദണ്ഡങ്ങൾ അവഗണിച്ച് മറ്റൊരു ലോക്ക്ഡൗണിലേക്ക് സംസ്ഥാനം കടക്കാതിരിക്കാൻ സഹകരിക്കണമെന്നും മുഖ്യമന്ത്രി പറഞ്ഞു.

മൂന്നാം തരംഗത്തെ കുറിച്ച് നിരവധി വാർത്തകൾ വരുന്നുണ്ടെന്നും അതിൽ ആശങ്കപ്പെടരുതെന്നും മുഖ്യമന്ത്രി പറഞ്ഞു. പുതിയൊരു തരംഗം താനെ ഉണ്ടാകില്ലെന്നും കൊവിഡ് മാനദണ്ഡങ്ങൾ പാലിക്കുന്നതിലെ വീഴ്ചയാണ് ഇതിന് കാരണമെന്ന് ജനങ്ങള് മനസിലാക്കണമെന്നും മുഖ്യമന്ത്രി പറഞ്ഞു.

ഇതുവരെ 1,12,12,353 ഡോസ് വാക്‌സിനാണ് ജൂൺ 13 വരെ സംസ്ഥാനത്ത് വിതരണം ചെയ്തതെന്നും മുഖ്യമന്ത്രി അറിയിച്ചു.

Story Highlights: delta virus

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top