മൃതദേഹം എലി കരണ്ട സംഭവം ; വിശദീകരണം തേടി ആരോഗ്യമന്ത്രി

പട്ടാമ്പിയിലെ ആശുപത്രിയിൽ സൂക്ഷിച്ചിരുന്ന മൃതദേഹം എലി കരണ്ട സംഭവത്തിൽ വിശദീകരണം തേടി ആരോഗ്യമന്ത്രി വീണ ജോർജ്. പാലക്കാട് ഡി എം ഒയോട് അന്വേഷിച്ച് റിപ്പോർട്ട് നൽകാനാണ് നിർദേശം. ഒറ്റപ്പാലം മനിശ്ശേരി കുന്നുംപുറം ലക്ഷം വീട് കോളനിയിൽ സുന്ദരിയുടെ (65) മൃതദേഹമാണ് എലി കരണ്ടത്. മൂക്കും കവിളും കടിച്ചു മുറിച്ച നിലയിലായിരുന്നു മൃതദേഹം.

കഴിഞ്ഞ ദിവസം മോർച്ചറിയിൽ സൂക്ഷിച്ച മൃതദേഹം എലി കരണ്ട നിലയിൽ കണ്ടെത്തുകയായിരുന്നു. പട്ടാമ്പിയിലെ സേവന ആശുപത്രിക്കെതിരെയാണ് പരാതി. സംഭവത്തിൽ ആശുപത്രി അധികൃതർ വിശദീകരണം നൽകിയില്ലെന്ന് ബന്ധുക്കൾ പറയുന്നു. വിഷയം സംബന്ധിച്ച് പൊലീസിൽ പരാതി നൽകുമെന്നും ബന്ധുക്കൾ അറിയിച്ചു.

Story Highlights: Rats Bitten dead body, private hospital mortuary