ബ്രണ്ണൻ വിവാദത്തിൽ നിന്ന് പിന്മാറി സിപിഐഎം

ബ്രണ്ണൻ കേളജുമായി വിവാദത്തിൽ നിന്ന് പിന്മാറി സിപിഐഎം. സിപിഐഎം സംസ്ഥാന സെക്രട്ടറി എ വിജയരാഘവനാണ് ഇക്കാര്യം പറഞ്ഞത്.

കെപിസിസി അധ്യക്ഷൻ പറയാൻ പാടില്ലാത്ത കാര്യങ്ങളാണ് പറഞ്ഞത്. അതിനോട് പ്രതികരിച്ചു. ആ വിവാദം അവിടെ അവസാനിച്ചുവെന്നും സിപിഐഎം അറിയിച്ചു.

കഴിഞ്ഞ ദിവസമാണ് ഏറെ വിവാദങ്ങൾക്ക് വഴിവച്ചുകൊണ്ട് ബ്രണ്ണൻ കോളജ് പഠന കാലത്ത് പിണറായി വിജയനെ മർദിച്ച കാര്യം കെപിസിസി അധ്യക്ഷൻ കെ സുധാകരൻ ഒരു മാധ്യമത്തിന് നൽകിയ അഭിമുഖത്തിൽ പറഞ്ഞത്. തുടർന്ന് കെ സുധാകരന് രൂക്ഷ മറുപടിയുമായി മുഖ്യമന്ത്രി രംഗത്തെത്തി. തുടർന്ന് നടന്ന വാക്‌പോരിനാണ് സിപിഐഎം പിൻവാങ്ങുന്നതോടെ അവസാനമാകുന്നത്.

Story Highlights: cpim withdraws from brennan college controversy