പണിമുടക്കിൽ പങ്കെടുത്ത ജീവനക്കാർക്ക് ശമ്പളത്തോടെയുള്ള അവധി റദ്ദാക്കി ഹൈക്കോടതി; വിധിക്കെതിരെ സർക്കാർ സുപ്രിംകോടതിയിൽ

ദേശിയ പണിമുടക്കിൽ പങ്കെടുത്ത ജീവനക്കാർക്ക് ശമ്പളത്തോടെ അവധി അനുവദിച്ചത് റദ്ദാക്കിയ ഹൈക്കോടതി ഉത്തരവിനെതിരെ സംസ്ഥാന സർക്കാർ സുപ്രിംകോടതിയിൽ.

ഡയസ് നോൺ പ്രഖ്യാപിക്കാത്തതിനാൽ അവധി അനുവദിച്ചതിൽ തെറ്റില്ലെന്ന് സംസ്ഥാന സർക്കാർ അപ്പീലിൽ പറയുന്നു. സർക്കാരിന്റെ നയപരമായ തീരുമാനത്തിൽ കോടതിക്ക് ഇടപെടാൻ കഴിയില്ലെന്നും വാദം.

2019 ജനുവരി 8, 9 തിയതികളിലായിരുന്നു ദേശിയ പണിമുടക്ക്. ഈ തിയതികളിൽ അവധിയെടുത്ത ജീവനക്കാർക്ക് ശമ്പളത്തോട് കൂടിയ അവധിയാണ് സംസ്ഥാന സർക്കാർ അനുവദിച്ചത്. ഇതാണ് ഹൈക്കോടതി റദ്ദാക്കിയത്. ഇതിനെതിരെയാണ് സംസ്ഥാന സർക്കാർ സുപ്രിംകോടതിയിൽ. സർക്കാരിന്റെ നയപരമായ വിഷയമാണ് ഇതെന്നും, ഇത് സംസ്ഥാനത്തിന് അധിക സാമ്പത്തിക ബാധ്യത വരുത്തുന്നില്ലെന്നും സംസ്ഥാന സർക്കാർ വാദിച്ചു.

Story Highlights: strike, salary cut, supreme court