23
Jul 2021
Friday

സംസ്ഥാനത്തേക്കുള്ള സ്വർണക്കടത്തിൽ വൻ വർധന; കഴിഞ്ഞ ഒരാഴ്ചയ്ക്കിടെ പിടികൂടിയത് 17.5 കിലോഗ്രാം സ്വർണം

17 kilogram gold seized from two airports in last one week

സംസ്ഥാനത്തേക്കുള്ള സ്വർണക്കടത്തിൽ വൻ വർധന. കൊച്ചി, കോഴിക്കോട് വിമാനത്താവളങ്ങൾ വഴിയാണ് ലോക്ഡൗൺ കാലത്തും സ്വർണമൊഴുകുന്നത്. കഴിഞ്ഞ ഒരാഴ്ചയ്ക്കിടെ രണ്ട് വിമാനത്താവളങ്ങളിലുമായി പിടിച്ചത് 17.5 കിലോ സ്വർണ്ണമാണ്.

ലോക്ഡൗൺ ഇളവുകളെ തുടർന്ന് അന്താരാഷ്ട്ര വിമാന സർവീസുകൾ പൂർണതോതിൽ ആരംഭിച്ചതാണ് സ്വർണക്കടത്ത് വർധിക്കാൻ കാരണം. കഴിഞ്ഞ ഒരാഴ്ചയ്ക്കിടെ കൊച്ചി വിമാനത്താവളത്തിൽ നിന്നും പിടിച്ചത് 10 കിലോയിലധികം സ്വർണമാണ്. വിവിധ സംഭവങ്ങളിൽ 9 പേരെ ഡിആർഐയും കസ്റ്റംസും പിടികൂടി. നിലവിൽ ദിവസേന രണ്ടും മൂന്നും കേസുകൾ കൊച്ചിയിൽ റിപ്പോർട്ട് ചെയ്യപ്പെടുന്നുണ്ട്.

കോഴിക്കോട് വിമാനത്താവളത്തിലും സ്ഥിതി വ്യത്യസ്തമല്ല. കരിപ്പൂരിൽ ഒരു വിമാനത്തിൽ മാത്രം അഞ്ച് സ്വർണക്കടത്ത് ശ്രമങ്ങൾ ഉണ്ടായി. ജൂൺ 22ലെ എയർ ഇന്ത്യ എക്‌സ്പ്രസിൽ ഏഴര കിലോ സ്വർണമാണ് ഒറ്റത്തവണ പിടികൂടിയത്. അതേസമയം കൊച്ചിയിലും കരിപ്പൂരിലും പരിശോധന ശക്തമാക്കിയതോടെ കണ്ണൂർ, തിരുവനന്തപുരം വിമാനത്താവളങ്ങളിലേക്ക് സ്വർണ്ണക്കടത്ത് സംഘം കളം മാറ്റുന്നുണ്ട്.

Story Highlights: 17 kilogram gold seized from two airports in last one week

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top