Advertisement

മന്ത്രി അഹമ്മദ് ദേവർകോവിൽ മുസ്ലിം ലീഗിന്റെ ചാരനെന്ന് മുൻ ഐഎൻഎൽ നേതാക്കൾ

July 6, 2021
Google News 1 minute Read

മന്ത്രി അഹമ്മദ് ദേവർകോവിലിനെതിരെ മുൻ ഐഎൻഎൽ നേതാക്കൾ രംഗത്ത്. അഹമ്മദ് ദേവർകോവിൽ മുസ്ലിം ലീഗിന്റെ ചാരനാണെന്ന് നേതാക്കൾ ആരോപിച്ചു. കെ. പി ഇസ്മയിലും ജലീൽ പുനലൂരുമാണ് ആരോപണവുമായി രംഗത്തെത്തിയത്.

ഐഎൻഎല്ലിന് ലഭിച്ച മന്ത്രിസ്ഥാനം അഹമ്മദ് ദേവർകോവിൽ ദുരുപയോഗം ചെയ്തുവെന്നും നേതാക്കൾ ആരോപിച്ചു. വിഷയം എൽഡിഎഫ് നേതൃത്വം ഗൗരവമായി കാണണം. മന്ത്രിയുടെ പേഴ്‌സണൽ സ്റ്റാഫിന്റെ നിയമനം കച്ചവടവത്കരിച്ചുവെന്നും നേതാക്കൾ പറഞ്ഞു. കാസിം ഇരിക്കൂർ സൂപ്പർമന്ത്രി ചമയുകയാണ്. കാസിം ഇരിക്കൂറിന്റെ സാമ്പത്തിക സ്രോതസ് അന്വേഷിക്കണം. തെരഞ്ഞെടുപ്പ് ഫണ്ട് ശേഖരണത്തിന് രേഖയോ കണക്കോ ഇല്ലെന്നും നേതാക്കൾ ആരോപിച്ചു.

മന്ത്രി അഹമ്മദ് ദേവർകോവിലിനെതിരെ ഐഎൻഎൽ മുൻ സംസ്ഥാന സെക്രട്ടേറിയറ്റ് അംഗം ഇ. സി മുഹമ്മദും രംഗത്തെത്തിയിരുന്നു. മന്ത്രി അഹമ്മദ് ദേവർകോവിൽ അടങ്ങുന്ന അഞ്ചംഗ സംഘത്തെയാണ് കോഴ നിയമനത്തിനായി നിയോഗിച്ചതെന്നും സെക്രട്ടേറിയറ്റിന് അകത്ത് കോഴ നിർദേശം മുന്നോട്ടുവച്ചപ്പോൾ ആരും എതിർത്തില്ലെന്നുമായിരുന്നു ഇ. സി മുഹമ്മദിന്റെ ആരോപണം.

Story Highlights: INL, Ahammad devarkovil

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here