വിംബിൾഡൺ: പുരുഷ സിംഗിൾസ് ഫൈനലിസ്റ്റുകളെ ഇന്നറിയാം; ജോക്കോവിച്ച് ഷാപൊവലോവിനെ നേരിടും

വിംബിൾഡൺ ടെന്നിസ് പുരുഷ സിംഗിൾസ് സെമിയില്‍ ലോക ഒന്നാം നമ്പർ താരം നൊവാക് ജോക്കോവിച്ച് ഇന്ന് കനേഡിയൻ താരം ഡെനിസ് ഷാപൊവലോവിനെ നേരിടും. മറ്റൊരു സെമിയില്‍ ഏഴാം സീഡ് മാറ്റിയോ ബെരെറ്റിനി 14-ാം സീഡ് ഹ്യൂബർട്ട് ഹുർകാക്‌സുമായി ഏറ്റുമുട്ടും. രണ്ട് പേരുടെയും ആദ്യ വിംബിൾഡൺ ഫൈനലാണ് ഇത്. ബെരെറ്റിനിയുടെ മത്സരം ഇന്ത്യന്‍ സമയം വൈകിട്ട് ആറ് മണിക്കും ജോക്കോവിച്ചിന്‍റേത് എട്ട് മണിക്കുമാണ്. 

വനിതാ സിംഗിൾസിൽ അഷ്‍ലി ബാർട്ടി-കരോലിന പ്ലിസ്‌കോവ ഫൈനലാണ് നടക്കുക. ലോക ഒന്നാം നമ്പർ താരമായ അഷ്‍ലി ബാർട്ടി സെമിയിൽ 25-ാം സീഡ് ആഞ്ചലിക് കെർബറെ നേരിട്ടുള്ള സെറ്റുകൾക്കാണ് തോൽപ്പിച്ചത്. സ്‌കോർ: 6-3, 7-6. രണ്ടാം സെമിയിൽ കരോലിന പ്ലിസ്‌കോവ രണ്ടാം സീഡ് അറീന സെബലങ്കയെ തോൽപ്പിച്ചു. സ്‌കോർ: 5-7, 6-4, 6-4.