പാകിസ്താനിൽ ബസിന് നേരെ ഭീകരാക്രമണം; സ്‌ഫോടനത്തിൽ ആറ് ചൈനീസ് എൻജിനീയർമാർ കൊല്ലപ്പെട്ടു

പാകിസ്താനിൽ ബസിന് നേരെയുണ്ടായ ഭീകരാക്രമണത്തിൽ ആറ് ചൈനീസ് എൻജിനീയർമാരും ഒരു പാക് സൈനികനും ഉൾപ്പെടെ പത്ത് പേർ കൊല്ലപ്പെട്ടു. വടക്കൻ പാകിസ്താനിലെ ഉൾപ്രദേശത്ത് വെച്ചായിരുന്നു സംഭവം. ഒരു നാട്ടുകാരനും കൊല്ലപ്പെട്ടിട്ടുണ്ട്.

ചൈനീസ് എൻജിനീയർമാരും പാക് സൈനികരും സഞ്ചരിച്ച ബസിന് നേരെയാണ് ആക്രമണമുണ്ടായത്. സ്‌ഫോടനത്തെ തുടർന്ന് ബസ് വലിയ മലയിടുക്കിലേക്ക് പതിക്കുകയായിരുന്നു. പരുക്കേറ്റവരെ എയർ ആംബുലൻസിൽ ആശുപത്രിയിലെത്തിച്ചു.

അപ്പർ കൊഹിസ്താനിലെ ദസു അണക്കെട്ടിലേക്ക് 30 ചൈനീസ് എൻജിനീയർമാരെ ബസിൽ കൊണ്ടുപോകുന്നതിനിടെ ഹസാര മേഖലയിൽ വെച്ചാണ് ആക്രമണമുണ്ടായത്.

Story Highlights: 6 Chinese among 10 killed in a vehicle explosion Pakistan