25
Jul 2021
Sunday

ആര്യൻ റോബൻ വിരമിച്ചു

footballer arjen roben retired

ഹോളണ്ട്-ബയേൺ മ്യൂണിക്ക് ഇതിഹാസ താരം ആര്യൻ റോബൻ ഫുട്ബോളിൽ നിന്ന് വിരമിച്ചു. 2019ൽ വിരമിക്കൽ പ്രഖ്യാപിച്ച താരം 2020ൽ തീരുമാനം പിൻവലിച്ച് തൻ്റെ പഴയ ക്ലബായ എഫ് സി ഗ്രോണിങനിൽ തിരിച്ചെത്തിയിരുന്നു. 6 മത്സരങ്ങളിൽ അവിടെ കളിച്ചതിനു ശേഷമാണ് റോബൻ ബൂട്ടഴിച്ചത്.

ഗ്രോനിങ്ങനിലൂടെ സീനിയർ കരിയർ ആരംഭിച്ച റോബൻ 2002ൽ പിഎസ്‌വിയിലെത്തി. തുടർന്ന് 2004ൽ ചെൽസിയിലെത്തിയ താരം 2007ൽ റയൽ മാഡ്രിഡിലേക്കും ഒടുവിൽ 2009ൽ ബയേൺ മ്യൂണിക്കിലേക്കും ചേക്കേറി. നീണ്ട പത്ത് വർഷങ്ങളിൽ അദ്ദേഹം പിന്നീട് കളിച്ചത് ജർമൻ ക്ലബിലായിരുന്നു. ബയേണിൽ ഫ്രാങ്ക് റിബറിക്കൊപ്പം ചേർന്ന അദ്ദേഹം ‘റോബറി’ കൂട്ടുകെട്ടിലൂടെ ക്ലബിന് നിരവധി കിരീടങ്ങൾ സമ്മാനിച്ചു. ബയേണിനായി 201 മത്സരങ്ങളിൽ കളിച്ച അദ്ദേഹം 99 ഗോളുകൾ നേടി. ആകെ 426 ക്ലബ് പോരാട്ടങ്ങളിൽ നിന്ന് 150 ഗോളുകളാണ് റോബൻ്റെ സമ്പാദ്യം. നെതർലൻഡിൻ്റെ വിവിധ ഏജ് ടീമുകളിൽ കളിച്ചിട്ടുള്ള താരം 2003 മുതൽ 2017 വരെ സീനിയർ ടീമിനായും ബൂട്ടുകെട്ടി. 96 മത്സരങ്ങളിൽ 37 ഗോളുകളാണ് റോബൻ ദേശീയ ജഴ്സിയിൽ നേടിയത്.

Story Highlights: dutch footballer arjen robben retired

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top