30
Jul 2021
Friday

കൊയിലാണ്ടിയിൽ സ്വർണക്കടത്ത് കാരിയറെ തട്ടിക്കൊണ്ടുപോയ സംഭവം; സ്വർണം കൈമാറിയതായി കരുതുന്ന നാദാപുരം സ്വദേശിയെ തിരഞ്ഞ് പൊലീസ്

കൊയിലാണ്ടിയിൽ സ്വർണക്കടത്ത് കാരിയറെ തട്ടിക്കൊണ്ടുപോയ സംഭവത്തിൽ സ്വർണം കൈമാറിയതായി സംശയിക്കുന്ന നാദാപുരം സ്വദേശി അഖിനെ പൊലീസ് തിരയുന്നു. അഷ്‌റഫിനെ തട്ടിക്കൊണ്ടുപോയ സംഘത്തിന് വേണ്ടിയും അന്വേഷണം ഊർജിതമാക്കി.

കൊടുവള്ളി സംഘത്തിന് വേണ്ടി കൊണ്ടുവന്ന സ്വർണം നാദാപുരം നരിക്കാട്ടേരി സ്വദേശി അഖിനാണ് തട്ടിയെടുത്തതെന്ന് അഷ്‌റഫ് പൊലീസിന് മൊഴി നൽകിയിരുന്നു. ഇത് തിരിച്ചുകിട്ടാൻ വേണ്ടിയാണ് കൊടുവള്ളി സംഘം അഷ്‌റഫിനെ തട്ടിക്കൊണ്ടു പോയത്. കൊടി സുനിയുടേതെന്ന് സംശയിക്കുന്ന ശബ്ദ സന്ദേശം അഷ്‌റഫിന് അയച്ച് നൽകിയതും അഖിനാണ്. അഖിനും അഷ്‌റഫും തമ്മിൽ സൗദിയിൽവച്ച് തന്നെ പരിചയമുള്ളതായും പൊലീസിന് വിവരം ലഭിച്ചിട്ടുണ്ട്. അഖിനെ കസ്റ്റഡിയിലെടുത്ത് ചോദ്യം ചെയ്യാനാണ് പൊലീസ് നീക്കം. ഇയാൾ ഒളിവിലാണെന്നാണ് സൂചന. മുൻപ് 45 ലക്ഷം രൂപയുടെ കുഴൽപണം തട്ടിയെടുത്ത കേസിൽ അഖിൻ പ്രതിയാണെന്നും പൊലീസ് പറഞ്ഞു. എന്നാൽ അഷ്‌റഫിനെ തട്ടിക്കൊണ്ടു പോയ സംഘത്തെ ഇതുവരെ കണ്ടെത്താനായില്ല. തുണേരിയിലെ പ്രവാസിയായ അഹമ്മദിനെ തട്ടിക്കൊണ്ടുപോയ അതേ സംഘമാണോ ഇതിന് പിന്നിലെന്നും പൊലീസ് സംശയിക്കുന്നുണ്ട്. ടവർ ലൊക്കേഷൻ കേന്ദ്രീകരിച്ചുള്ള സൈബർ സെല്ലിന്റെ അന്വേഷണത്തെ പ്രതിരോധിക്കാൻ പ്രത്യേക സോഫ്റ്റ് വെയർ പ്രതികൾ ഉപയോഗിക്കുന്നതായും പൊലീസിന് വിവരം ലഭിച്ചിട്ടുണ്ട്. കസ്റ്റഡിയിലുള്ള മൂന്ന് പേരെയും പൊലീസ് ചോദ്യം ചെയ്യുകയാണ്.

Story Highlights: Koyilandi, Man missing, Gold smuggling

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top