22
Sep 2021
Wednesday

ട്രെയിനുകൾ വൈകിയാൽ യാത്രക്കാർക്ക് റെയിൽവേ നഷ്ടപരിഹാരം നൽകണം: സുപ്രിംകോടതി

Railways must pay compensation

ട്രെയിനുകൾ അകാരണമായി വൈകി ഓടിയാൽ യാത്രക്കാർക്ക് റെയിൽവേ നഷ്ടപരിഹാരം നൽകണമെന്ന് സുപ്രിംകോടതി. 2016 ൽ കുടുംബത്തോടൊപ്പം ജമ്മുവിലേക്ക് യാത്ര ചെയ്യുമ്പോൾ ട്രെയിൻ നാല് മണിക്കൂർ വൈകിയതിനെ തുടർന്ന് നഷ്ടം നേരിട്ട യാത്രക്കാരന് ന​ഷ്‍ട​പ​രിഹാ​രം നല്‍​ക​ണ​മെ​ന്ന ദേ​ശീ​യ ഉ​പ​ഭോ​ക്തൃ ത​ര്‍​ക്ക​പ​രി​ഹാ​ര ക​മ്മീ​ഷ​ന്‍റെ ഉ​ത്ത​ര​വ് ശ​രി​വ​ച്ചാ​ണ് സു​പ്രീം​കോ​ട​തി​യു​ടെ സു​പ്ര​ധാ​ന വി​ധി.

ജില്ലാ ഉപഭോക്തൃ ഫോറം റെയിൽവേയുടെ സേവനത്തിലെ പോരായ്മയായി ഇതിനെ ചൂണ്ടിക്കാട്ടി. അസംതൃപ്തനായ യാത്രക്കാരന് 25,000 രൂ​പ ന​ഷ്ട​പ​രി​ഹാ​ര​മാ​യും 5000 രൂ​പ വീ​തം ഇ​വ​ര്‍ നേ​രി​ട്ട മാനസി​ക ക്ലേ​ശ​ത്തി​ന് പ​രി​ഹാ​ര​മാ​യും അ​തി​ന് പു​റ​മേ വ്യ​വ​ഹാ​ര ചെ​ല​വും ഒ​രു മാ​സ​ത്തിനുള്ളില്‍ ന​ല്‍​ക​ണ​മെ​ന്നായിരുന്നു ത​ര്‍​ക്ക​പ​രി​ഹാ​ര സ​മിതി നോർത്ത് വെസ്റ്റേൺ റെയിൽവേയോട് നിർദേശിച്ചത്.

Read Also : ത്രിപുരയിൽ സിപിഐഎം സംസ്ഥാന കമ്മിറ്റി ഓഫിസ് നേരെ ആക്രമണം

ഈ നടപടിക്കെതിരെയാണ് റെയില്‍വേ സുപ്രിംകോടതിയില്‍ എത്തയിതും തിരിച്ചടി നേരിട്ടതും. ട്രെ​യി​ന്‍ വൈ​കി ഓ​ടു​ന്ന​ത് റെ​യി​ല്‍​വേ​യു​ടെ സേവ​ന​ത്തി​ല്‍ ഉ​ണ്ടാ​കു​ന്ന വീഴ്‍ച അല്ലെന്നായിരുന്നു കേ​സ് സു​പ്രീം​കോ​ട​തി​യി​ല്‍ എ​ത്തി​യ​പ്പോ​ള്‍ അ​ഡീ​ഷ​ണ​ല്‍ സോ​ളി​സി​റ്റ​ര്‍ ജ​ന​റ​ലിന്‍റെ വാദം. പക്ഷേ, നഷ്‍ടപ​രി​ഹാ​രം ന​ല്‍​ക​ണ​മെ​ന്ന ദേ​ശീ​യ ഉ​പ​ഭോ​ക്തൃ ത​ര്‍​ക്ക​പ​രി​ഹാ​ര സ​മി​തി​യു​ടെ ഉ​ത്ത​ര​വി​ല്‍ കോ​ട​തി​യു​ടെ ഇ​ട​പെ​ട​ല്‍ വേണ്ടെ​ന്നും സുപ്രിംകോടതി വ്യ​ക്ത​മാ​ക്കി.

സ്വ​കാ​ര്യ ഗ​താ​ഗ​ത മേ​ഖ​ല​യി​ല്‍ ഉ​ള്‍​പ്പ​ടെ ഉ​ത്ത​ര​വാ​ദി​ത്ത​വും മ​ത്സ​ര​വു​മു​ള്ള ഇ​ക്കാ​ല​ത്ത് പൊ​തു​ഗ​താ​ഗ​ത മേ​ഖ​ല കൂ​ടു​ത​ല്‍ കാ​ര്യ​ക്ഷ​മ​ത​യോ​ടെ പ്ര​വ​ര്‍​ത്തി​ക്ക​ണ​മെന്നും സുപ്രിംകോടതി നിർദേശിച്ചു. രാ​ജ്യ​ത്ത് ഒ​രു യാ​ത്ര​ക്കാ​ര​നും റെ​യി​ല്‍​വേ ഉ​ള്‍​പ്പ​ടെ അ​ധി​കൃ​ത​രു​ടെയും ഭരണകൂടത്തിന്‍റെയും കാ​രു​ണ്യ​ത്തി​ന് വേ​ണ്ടി കാ​ത്തു​നി​ല്‍​ക്കേ​ണ്ട ദു​ര​വ​സ്ഥ ഉ​ണ്ടാ​ക​രു​തെ​ന്നും വ്യ​ക്ത​മാ​ക്കി.

Story Highlight: Railways must pay compensation SC

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top