കെപിസിസി സെക്രട്ടറി ജി രതികുമാർ കോൺഗ്രസ് വിട്ടു; ഉടൻ എ കെ ജി സെന്ററിലെത്തി സിപിഐഎമ്മിൽ ചേരും

കൊല്ലം ജില്ലയിൽ നിന്നുള്ള കെപിസിസി സെക്രട്ടറി ജി രതികുമാർ കോൺഗ്രസ് വിട്ടു. കെപിസിസി പ്രസിഡന്റിന് രാജിക്കത്ത് നൽകി. ഉടൻ എ കെ ജി സെന്ററിലെത്തും. സംഘടനാപരമായ വിഷയങ്ങളിലുള്ള അതൃപ്‌തിയാണ് രാജിക്ക് കാരണമെന്ന് കെപിസിസി പ്രസിഡന്റിന് അയച്ച കത്തിൽ രതികുമാർ പറയുന്നു.

Read Also : കെ പി സി സി രാഷ്ട്രീയകാര്യ സമിതിയിൽ മാറ്റം; അഞ്ച് വ‍ര്‍ഷം ഭാരവാഹികളായവരെ വീണ്ടും പരിഗണിക്കില്ല

കഴിഞ്ഞ നാൽപ്പത് വർഷക്കാലമായി കോൺഗ്രസ് പ്രവർത്തകനായ താൻ പാർട്ടിയുടെ പ്രാഥമിക അംഗത്വത്തിൽ നിന്നും രാജിവച്ചതായും, സംഘടനാപരമായ പല വിഷയങ്ങളും നേരിട്ടറിയാൻ ശ്രമിച്ചിട്ടും നിർഭാഗ്യവശാൽ കഴിഞ്ഞിട്ടില്ലെന്നും കെപിസിസി പ്രസിഡന്റിന് അയച്ച കത്തിൽ രതികുമാർ പറയുന്നു. കെപിസിസി പുനഃ സംഘടനയ്ക്ക് ശേഷമാണ് ഈയൊരു തീരുമാനത്തിൽ എത്തിയത്.

ഇന്നലെ കോൺഗ്രസ് നേതാവ് പി അനിൽകുമാറും കോൺഗ്രസ് വിട്ടിരുന്നു. അതിന് പിന്നാലെയാണ് രതികുമാറും കോൺഗ്രസ് വിട്ടത്.

Story Highlight: congressleader-g rathikumar-turned to-ldf-cpim-