സിപിഐഎം കരുനാഗപ്പള്ളി ഏരിയ കമ്മിറ്റി പിരിച്ചു വിട്ടിട്ട് 9 മാസം; പുതിയ സമിതി രൂപീകരിക്കാത്തതിൽ പ്രതിഷേധം ശക്തം

സംഘടനാ പ്രശ്നങ്ങളടെ പേരിൽ സിപിഐഎം കരുനാഗപ്പള്ളി ഏരിയ കമ്മിറ്റി പിരിച്ചു വിട്ടിട്ട് ഒൻപതുമാസം. പുതിയ സമിതി രൂപീകരിക്കാത്തതിൽ പ്രവർത്തകർക്കിടയിൽ പ്രതിഷേധം ശക്തം. ജില്ലാനേതൃത്വത്തിലെ ചിലർ തദ്ദേശ തിരഞ്ഞെടുപ്പ് വിജ്ഞാപനം വരുന്നതുവരെ തിരഞ്ഞെടുപ്പ് നീട്ടിക്കൊണ്ടുപോകാൻ ശ്രമിക്കുന്നതായി പരാതി.

താഴേത്തട്ടിലുള്ള പ്രവർത്തനം നിർജീവമായെന്ന് പാർട്ടി പ്രവർത്തകരുടെ ആരോപണം. വിഷയം ഉന്നയിച്ച് സംസ്ഥാന നേതൃത്വത്തിന് കരുനാഗപ്പള്ളിയിൽനിന്ന് ചില പഴയകാല പ്രവർത്തകർ പരാതികൾ അയച്ചു. തദ്ദേശ തെരഞ്ഞെടുപ്പിൽ കരുനാഗപ്പള്ളിയിൽ തിരിച്ചടിയുണ്ടാകുമെന്നും പ്രവർത്തകർ പരാതിയിൽ അറിയിച്ചു.

ഏരിയ കമ്മിറ്റിക്കു കീഴിലെ പത്ത് ലോക്കൽ കമ്മിറ്റികളും പിരിച്ചുവിട്ടിരുന്നു. തിരഞ്ഞെടുക്കപ്പെട്ട പാർട്ടി ഘടകങ്ങളൊന്നുമില്ലാത്ത പ്രദേശമാണ് നിലവിൽ കരുനാഗപ്പല്ലി. ഒൻപതു മാസമായിട്ടും പുതിയ കമ്മിറ്റി രൂപവത്കരിക്കാനാകാത്തതിൽ അണികൾക്കിടയിൽ അമർഷം ശക്തമാണ്.

Story Highlights : cpim dissolves karunagappally area committee