17
Oct 2021
Sunday
Covid Updates

    യു.പി മന്ത്രിസഭ പുനഃസംഘടിപ്പിച്ചു; മുൻ കോൺഗ്രസ് നേതാവ് ജിതിൻ പ്രസാദ ഉൾപ്പടെ ഏഴ് പുതിയ മന്ത്രിമാർ

    ഉത്തർപ്രദേശിൽ ഏഴുപേരെ കൂടി ഉള്‍പ്പെടുത്തി മന്ത്രിസഭ പുനഃസംഘടിപ്പിച്ച് യോ​​ഗി ആദിത്യനാഥ്. മുൻ കോൺ​ഗ്രസ് നേതാവ് ജിതിന്‍ പ്രസാദ ഉൾപ്പെടെയുള്ളവർ മന്ത്രിസഭയിലുണ്ട്. നിയമസഭാ തെരഞ്ഞെടുപ്പ് അടുത്ത സാഹചര്യം മുന്‍നിര്‍ത്തിയാണ് മന്ത്രിസഭാ വികസനം.

    ജിതിന്‍ പ്രസാദ, ചത്രപാൽ ഗംഗ്വാർ, ധരംവീർ പ്രജാപതി, സംഗീത ബൽവന്ത് ബിന്ദ് ദിനേശ് ഖതീക്, സഞ്ജീവ് കുമാർ, പൽതു റാം എന്നിവരെയാണ് മന്ത്രിസഭയിൽ ഉൾപ്പെടുത്തിയത്. തെരഞ്ഞെടുപ്പ്​ മുന്നിൽ കണ്ട്​ പ്രാതിനിധ്യം ലഭിക്കാത്ത ജാതിക്കാരെയും പാർട്ടികളെയുമാണ്​ മന്ത്രിസഭ പുനഃസംഘടനയിൽ ഉൾപ്പെടുത്തിയിരിക്കുന്നത്.

    Read Also : വാക്‌സിനേഷനിൽ റെക്കോർഡ് നേട്ടവുമായി യു.പി ; 10 കോടി പിന്നിട്ടു, ആരോഗ്യ പ്രവർത്തകരെ അഭിനന്ദിച്ച് യോഗി ആദിത്യനാഥ്

    രാഹുലിന്റെ അടുത്ത അനുയായി ആയിരുന്ന ജിതിന്‍ പ്രസാദ, സംസ്ഥാനത്തെ കോണ്‍ഗ്രസ് പാര്‍ട്ടിയുടെ ബ്രാഹ്‌മണ മുഖം കൂടിയായിരുന്നു. ജിതിന്‍ പ്രസാദയെ മന്ത്രിസഭയിലെടുക്കുന്നതോടെ ബ്രാഹ്‌മണ സമുദായത്തിന്റെ പിന്തുണ ലഭ്യമാകുമെന്നാണ് ബി.ജെ.പി. വിലയിരുത്തല്‍. കൂടാതെ നിലവില്‍ യോഗി സര്‍ക്കാരിന് ഠാക്കൂര്‍ വിഭാഗത്തോട് താല്‍പര്യക്കൂടുതലുണ്ടെന്ന ആരോപണത്തെ അതിജീവിക്കാനും ഈ നീക്കം സഹായിച്ചേക്കും.

    Read Also : ഉത്തർപ്രദേശിൽ പൊലീസ് കോൺസ്റ്റബിളിനു നേരെ വെടിവെപ്പ്

    Story Highlights: UP Cabinet: Ex-Congress leader Jitin Prasada now a minister of Yogi govt

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top