01
Dec 2021
Wednesday
Covid Updates

    സഞ്ജു നയിക്കും, സച്ചിൻ ബേബി വൈസ് ക്യാപ്റ്റൻ; സയ്യിദ് മുഷ്താഖ് അലി ട്രോഫിക്കുള്ള കേരള ടീം പ്രഖ്യാപിച്ചു

    syed mushtaq ali kerala

    സയ്യിദ് മുഷ്താഖ് അലി ട്രോഫിക്കുള്ള കേരള ടീം പ്രഖ്യാപിച്ചു. രാജസ്ഥാൻ റോയൽസ് ക്യാപ്റ്റൻ കൂടിയായ വിക്കറ്റ് കീപ്പർ ബാറ്റർ സഞ്ജു സാംസൺ ആണ് കേരള ടീമിനെ നയിക്കുക. സച്ചിൻ ബേബി ഉപനായകനാവും. റോബിൻ ഉത്തപ്പ, ജലജ് സക്സേന, മുഹമ്മദ് അസ്‌ഹറുദ്ദീൻ, വിഷ്ണു വിനോദ്, കെഎം ആസിഫ്, ബേസിൽ തമ്പി എന്നീ ഐപിഎൽ താരങ്ങളടക്കം മികച്ച ടീമിനെയാണ് കെസിഎ പ്രഖ്യാപിച്ചിരിക്കുന്നത്. അതേസമയം, കഴിഞ്ഞ സയ്യിദ് മുഷ്താഖ് അലി ട്രോഫിയിലൂടെ പ്രൊഫഷണൽ ക്രിക്കറ്റിലേക്ക് തിരികെയെത്തിയ ശ്രീശാന്തിന് ഇടം ലഭിച്ചില്ല. (syed mushtaq ali kerala)

    ഗുജറാത്ത്, ബീഹാർ, റെയിൽവേയ്സ്, അസം, മധ്യപ്രദേശ് എന്നീ ടീമുകൾക്കെതിരെയാണ് കേരളത്തിൻ്റെ ഗ്രൂപ്പ് ഘട്ട മത്സരങ്ങൾ. എല്ലാ മത്സരങ്ങളും ഡൽഹിയിലാണ്. അടുത്ത മാസം നാലാം തീയതിയാണ് സയ്യിദ് മുഷ്താഖ് അലി ട്രോഫി ആരംഭിക്കുക.

    Read Also : കൃണാൽ പാണ്ഡ്യയും റിയൻ പരഗും ക്യാപ്റ്റന്മാർ; സയ്യിദ് മുഷ്താഖ് അലി ട്രോഫിക്കുള്ള ബറോഡ, അസം ടീമുകളെ പ്രഖ്യാപിച്ചു

    കേരള ടീം: സഞ്ജു സാംസൺ (ക്യാപ്റ്റൻ), സച്ചിൻ ബേബി, റോബിൻ ഉത്തപ്പ, ജലജ് സക്സേന, മുഹമ്മദ് അസ്‌ഹറുദ്ദീൻ, വിഷ്ണു വിനോദ്, കെഎം ആസിഫ്, ബേസിൽ തമ്പി, സിജോമോൻ ജോസഫ്, വത്സൽ ഗോവിന്ദ്, മിഥുൻ പികെ, മിഥുൻ എസ്, രോഹൻ എസ് കുന്നുമ്മൽ, റോജിത് ഗണേഷ്, ഷറഫുദ്ദീൻ, വിശ്വേശ്വർ സുരേഷ്, മനു കൃഷ്ണൻ, അഖിൽ എംഎസ്, വൈശാഖ് ചന്ദ്രൻ, അബ്ദുൽ ബാസിത്ത്.

    റിസർവ് ടീം അംഗങ്ങൾ: കൃഷ്ണ പ്രസാദ്, അക്ഷയ് കെസി, ആനന്ദ് ജോസഫ്

    രാജസ്ഥാൻ റോയൽസിൻ്റെ യുവതാരം റിയൻ പരഗ് ആണ് അസം ക്യാപ്റ്റൻ. മുംബൈ ഇന്ത്യൻസ് ഓൾറൗണ്ടർ കൃണാൽ പാണ്ഡ്യ ബറോഡയെ നയിക്കും. സൺറൈസേഴ്സ് ഹൈദരാബാദ് താരം മനീഷ് പാണ്ഡെയാണ് കർണാടകയുടെ ക്യാപ്റ്റൻ. ഐപിഎൽ താരങ്ങളായ മായങ്ക് അഗർവാൾ, ദേവ്ദത്ത് പടിക്കൽ, കൃഷ്ണപ്പ ഗൗതം, ശ്രേയാസ് ഗോപാൽ, ജഗദീശ സുചിത്, പ്രസിദ്ധ് കൃഷ്ണ എന്നിവരൊക്കെ ടീമിൽ ഉൾപ്പെട്ടിട്ടുണ്ട്.

    മുംബൈ ടീമിനെ അജിങ്ക്യ രഹാനെ ടീമിനെ നയിക്കും. പൃഥ്വി ഷാ ആണ് വൈസ് ക്യാപ്റ്റൻ. ഐപിഎലിൽ കളിക്കുന്ന ശിവം ദുബെ, യശസ്വി ജയ്സ്വാൾ, സർഫറാസ് ഖാൻ, ആദിത്യ താരെ എന്നിവരൊക്കെ ടീമിലുണ്ട്. തമിഴ്നാട് ടീമിനെ സൺറൈസേഴ്സ് ഹൈദരാബാദ് ഓൾറൗണ്ടർ വിജയ് ശങ്കർ നയിക്കും. കൊവിഡ് ബാധയെ തുടർന്ന് ഐപിഎൽ രണ്ടാം പാദം നഷ്ടമായ ടി നടരാജൻ, പഞ്ചാബ് കിംഗ്സ് താരം ഷാരൂഖ് ഖാൻ, കൊൽക്കത്ത നൈറ്റ് റൈഡേഴ്സിൻ്റെ മലയാളി താരം സന്ദീപ് വാര്യർ എന്നിവരും ടീമിലുണ്ട്.

    Story Highlights : syed mushtaq ali trophy kerala team

    ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top