Advertisement

ലഹരി പാര്‍ട്ടി കേസിലെ കോഴ ആരോപണം; പ്രഭാകര്‍ സെയിലിന് സമന്‍സ്

October 26, 2021
1 minute Read
prabhakar sail mumbai drugs case
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

മുംബൈ ആഡംബര കപ്പലിലെ ലഹരിപാര്‍ട്ടി കേസില്‍ സാക്ഷി പ്രഭാകര്‍ സെയിലിന് എന്‍സിബി സമന്‍സ് അയച്ചു. നാളെ ചോദ്യം ചെയ്യലിന് ഹാജരാകണമെന്നാവശ്യപ്പെട്ടാണ് സമന്‍സ്. ഡല്‍ഹിയില്‍ നിന്നെത്തുന്ന എന്‍സിബി വിജിലന്‍സ് സംഘമാകും ചോദ്യം ചെയ്യുക.

ലഹരിപാര്‍ട്ടി കേസ് അന്വേഷിക്കുന്ന എന്‍സിബിയിലെ മുതിര്‍ന്ന ഉദ്യോഗസ്ഥനായ സമീര്‍ വാങ്കഡെയ്‌ക്കെതിരെ ഉന്നയിച്ച കോഴ ആരോപണവുമായി ബന്ധപ്പെട്ടാണ് ചോദ്യം ചെയ്യല്‍. നാര്‍കോട്ടിക് കണ്‍ട്രോള്‍ ബ്യൂറോ വിജിലന്‍സ് വിഭാഗമാണ് വാങ്കഡെയ്‌ക്കെതിരായ ആരോപണം അന്വേഷിക്കുന്നത്.

എന്‍സിബി പണം വാഗ്ദാനം ചെയ്തിരുന്നുവെന്നും കേസ് ഒത്തുതീര്‍പ്പാക്കാന്‍ പണ ഇടപാട് നടന്നതായുമാണ് പ്രഭാകര്‍ സെയില്‍ എന്ന സാക്ഷി ആരോപിച്ചത്. എന്നാല്‍ ആരോപണങ്ങള്‍ സമീര്‍ വാങ്കഡെ നിഷേധിച്ചു. തന്നെ കുടുക്കാനുള്ള നീക്കങ്ങളാണ് നടക്കുന്നതെന്നും നിയമനടപടികളെ തകിടം മറിക്കുന്നതാണെന്നും ആരോപിച്ച് സമീര്‍ വാങ്കഡെ മുംബൈ പൊലീസ് മേധാവിക്ക് കത്തയയ്ക്കുകയും ചെയ്തിരുന്നു.

Read Also : ആഢംബര കപ്പലിലെ ലഹരി പാർട്ടി കേസ്; രണ്ട് പേർക്ക് ജാമ്യം

അതേസമയം ലഹരി പാര്‍ട്ടി കേസില്‍ രണ്ട് പേര്‍ക്ക് ജാമ്യം ലഭിച്ചു. മനീഷ് രജ്ഗരിയ, അവിന്‍ സാഹു എന്നിവര്‍ക്കാണ് പ്രത്യേക കോടതി ജാമ്യം അനുവദിച്ചത്. ആര്യന്‍ ഖാന്റെ ജാമ്യാപേക്ഷയില്‍ വാദം കേള്‍ക്കല്‍ നാളെയും തുടരും.

Story Highlights : prabhakar sail mumbai drugs case

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement