29
Nov 2021
Monday
Covid Updates

    കൊടകര കള്ളപ്പണ കവര്‍ച്ചാ കേസ്; അന്വേഷണം ആരംഭിച്ചെന്ന് ഇ.ഡി ഹൈക്കോടതിയില്‍

    kodakara case

    കൊടകര കള്ളപ്പണ കവര്‍ച്ചാ കേസില്‍ അന്വേഷണം ആരംഭിച്ചെന്ന് എന്‍ഫോഴ്‌സ്‌മെന്റ് ഡയറക്ടറേറ്റ്. ഹൈക്കോടതിയിലാണ് ഇ.ഡി നിലപാട് വ്യക്തമാക്കിയത്. കേസ് രേഖകള്‍ പരിശോധിച്ചുവരുന്നതായി ഇഡി വ്യക്തമാക്കി. നിലവില്‍ പ്രാഥമിക അന്വേഷണം ആരംഭിച്ചിട്ടുണ്ട്, പൊലീസില്‍ നിന്ന് രേഖകള്‍ ശേഖരിച്ച് പരിശോധിച്ചുവരികായണെന്നും സമയം നീട്ടിനല്‍കണമെന്നും ഇഡി കോടതിയില്‍ പറഞ്ഞു.

    അടുത്ത ബുധനാഴ്ചയ്ക്കകം റിപ്പോര്‍ട്ട് സമര്‍പ്പിക്കണമെന്ന് ഹൈക്കോടതി ഇ.ഡിയോട് ആവശ്യപ്പെട്ടു. ഈ വിഷയത്തില്‍ ഇഡി അന്വേഷണം ആവശ്യപ്പട്ട് സമര്‍പ്പിച്ച ഹര്‍ജിയില്‍ എന്തുമറുപടിയാണ് ഉള്ളതെന്നും കോടതി ചോദിച്ചു. സ്റ്റേറ്റ്‌മെന്റ് ഫയല്‍ ചെയ്യാനായി കഴിഞ്ഞ മാസം രണ്ടാഴ്ച സമയമാണ് കേന്ദ്ര ഏജന്‍സി കോടതിയോട് ആവശ്യപ്പെട്ടത്.

    Read Also : കൊടകര കള്ളപ്പണ കവർച്ചാ കേസ്; 1.40 ലക്ഷം രൂപ കൂടി അന്വേഷണ സംഘം കണ്ടെത്തി

    കൊടകര കള്ളപ്പണ കവര്‍ച്ചാ കേസ് ഹൈക്കോടതിയില്‍ ഹര്‍ജി എത്തിയതിന് ശേഷം പല തവണ ഈ കേസില്‍ ഇ ഡി അന്വേഷണം മാറ്റിവെച്ചിരുന്നു. സ്റ്റേറ്റ്‌മെന്റ് ഫയല്‍ ചെയ്യാന്‍ പല തവണ ഇ ഡിയോട് ആവശ്യപ്പെട്ടിട്ടും അവര്‍ ഫയല്‍ ചെയ്തിരുന്നില്ല. പകരം കൂടുതല്‍ സമയം ആവശ്യപ്പെടുകയായിരുന്നു.

    Story Highlights : kodakara case, ED, high court

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top