മഹാരാഷ്ട്ര മുഖ്യമന്ത്രി ഉദ്ധവ് താക്കറെ ആശുപത്രി വിട്ടു

മഹാരാഷ്ട്ര മുഖ്യമന്ത്രി ഉദ്ധവ് താക്കറെ ആശുപത്രി വിട്ടു. കഴുത്ത് വേദനയെ തുടർന്ന് മുംബൈയിലെ എച്ച്എൻ റിലയൻസ് ആശുപത്രിയിൽ പ്രവേശിപ്പിച്ച താക്കറെ നവംബർ 12ന് നട്ടെലിന്റെ ശസ്ത്രക്രിയയ്ക്ക് വിധേയനായിരുന്നു.

ശസ്ത്രക്രിയ വിജയകരമായിരുന്നു, താക്കറെയുടെ ആരോഗ്യ നില തൃപ്തികരമാണെന്നും ആശുപത്രി അധികൃതർ അറിയിച്ചു. നേരത്തെ കൊവിഡിനെതിരായ സർക്കാരിന്റെ പോരാട്ടത്തോടുള്ള പ്രതിബദ്ധത മൂലമാണ് കഴുത്തുവേദനയെ താൻ അവഗണിച്ചതെന്ന് താക്കറെ ഒരു ഔദ്യോഗിക പ്രസ്താവനയിൽ പറഞ്ഞിരുന്നു.

Story Highlights : uddhav-thackeray-discharged