സിപിഐഎം വിട്ടുവരുന്നവര്‍ക്ക് പ്രത്യേക പരിഗണന നല്‍കാന്‍ സിപിഐ

സിപിഐഎം വിട്ടുവരുന്നവര്‍ക്ക് പ്രത്യേക പരിഗണന നല്‍കാന്‍ തീരുമാനിച്ച് സിപിഐ. കാന്‍ഡിഡേറ്റ് മെമ്പര്‍ഷിപ്പില്ലാതെ സിപിഐയില്‍ നേരിട്ട് അംഗത്വം നല്‍കും. നേരത്തെ ആറുമാസം കാന്‍ഡിഡേറ്റ് മെമ്പര്‍ഷിപ്പിന് ശേഷമായിരുന്നു സിപിഐയില്‍ പൂര്‍ണ അംഗത്വം ലഭിച്ചിരുന്നത്. ഇന്നലെ ചേര്‍ന്ന നിര്‍വാഹക സമിതിയുടെതാണ് തീരുമാനങ്ങള്‍.

സിപിഐ നിര്‍വാഹക സമിതിയുടെ അംഗത്വ പരിശോധന പുരോഗമിക്കുക്കുന്നതിനിടെയാണ് തീരുമാനം. ഒട്ടേറെ പുതിയ നേതാക്കള്‍ സിപിഐഎം വിട്ടുവരാനുള്ള സാധ്യത മുന്നില്‍ക്കണ്ടാണ് സിപിഐയുടെ നീക്കം. പാര്‍ട്ടി കോണ്‍ഗ്രസുമായി ബന്ധപ്പെട്ട് സമ്മേളനങ്ങള്‍ ആരംഭിക്കുന്നതിന് മുന്‍പാണ് പുതിയ അംഗങ്ങളെ പരോക്ഷമായി സ്വീകരിച്ചുകൊണ്ടുകൂടിയുള്ള സിപിഐയുടെ നടപടി.

Story Highlights : CPI, CPIM