റിപ്പബ്ലിക് ദിനാഘോഷ ചടങ്ങുകൾക്ക് സമാപനം കുറിച്ച് ബീറ്റിം​ഗ് ദി റിട്രീറ്റ് നടന്നു

റിപ്പബ്ലിക് ദിനാഘോഷ ചടങ്ങുകൾക്ക് സമാപനം കുറിച്ച് ബീറ്റിം​ഗ് ദി റിട്രീറ്റ് ഡൽഹിയിൽ പൂർത്തിയായി. ( beating the retreat 2022 )

കര-വ്യോമ-നാവിക സേനയുടെ പ്രകടനത്തിന് പുറമെ പൊലീസ് സേനകളുടെ മാർച്ചിം​ഗ് ബാൻഡും ചടങ്ങിൽ പങ്കെടുക്കുന്നുണ്ട്. ആദ്യം കര-വ്യോമ-നാവിക സേനകൾ മാത്രമേ ബീറ്റിം​ഗ് ദി റിട്രീറ്റിന്റെ ഭാ​ഗമായിരുന്നുള്ളു. 2016 മിതലാണ് സെൻട്രൽ ആംഡ് പൊലീസ് ഫോഴ്സ് ഉൾപ്പെടെയുള്ള പൊലീസ് സേനയും ചടങ്ങിന്റെ ഭാ​ഗമാകുന്നത്.

ആയിരം ഡ്രോണുകളെ അണിനരത്തിയുള്ള ഡ്രോൺ ഷോയും, ഇന്ത്യൻ സ്വാതന്ത്ര്യത്തെ കുറിച്ചുള്ള മൂന്ന് മിനിറ്റ് ദൈർഘ്യമുള്ള പ്രൊജക്ഷൻ മാപ്പിം​ഗും ഇത്തവണ ചടങ്ങിന്റെ ഭാ​ഗമായി. ഇന്ത്യൻ ചരിത്രത്തിലാദ്യമായി ലേസർ ഷോയും ബീറ്റിം​ഗ് ദി റിട്രീറ്റിന്റെ ഭാ​ഗമായി നടക്കും.

Read Also : വ്യോമസേനയുടെ റിപ്പബ്ലിക് ദിന ടാബ്ലോയിൽ ഇന്ത്യയുടെ ആദ്യ വനിതാ റഫാൽ പൈലറ്റും

​മഹാത്മാ ​ഗാന്ധിയുടെ പ്രിയ ​ഗാനമായ അബൈഡ് വിത്ത് മി ഇത്തവണ ഒഴിവാക്കപ്പെട്ടു. 1950 മുതൽ ഉൾപ്പെടുത്തിയിരുന്ന ​ഗാനമാണ് ഒഴിവാക്കപ്പെട്ടത്.

Story Highlights : beating the retreat 2022