ഗോവ തെരെഞ്ഞെടുപ്പ് 2022; പോളിംഗ് ദിവസം പൊതു അവധിയായി പ്രഖ്യാപിച്ചു

സംസ്ഥാനത്ത് നിയമസഭാ തെരഞ്ഞെടുപ്പിന്റെ പോളിംഗ് ദിനമായതിനാൽ ഫെബ്രുവരി 14 തിങ്കളാഴ്ച ഗോവ സർക്കാർ പൊതു അവധിയായി പ്രഖ്യാപിച്ചു. ഗോവ ഗവൺമെന്റിന്റെ അറിയിപ്പ് ഇങ്ങനെ: “ഗോവ സർക്കാർ 2022 ഫെബ്രുവരി 14 തിങ്കൾ, ഗോവ നിയമസഭയിലേക്കുള്ള പൊതുതെരഞ്ഞെടുപ്പിന്റെ “പോളിംഗ് ദിനം” ആയതിനാൽ ” ഗോവ സർക്കാർ പൊതു അവധി” ആയി പ്രഖ്യാപിക്കുന്നു, “

പൊതു അവധി എല്ലാ സർക്കാർ/സ്വകാര്യ സ്ഥാപനങ്ങൾക്കും ശമ്പളത്തോടെയുള്ള അവധിയായിരിക്കണമെന്നും സംസ്ഥാന സർക്കാർ നിർദേശിച്ചിട്ടുണ്ട് ഗോവയിൽ ഈ വർഷം നടക്കാനിരിക്കുന്ന നിയമസഭാ തെരരഞ്ഞെടുപ്പിൽ ആകെ 332 സ്ഥാനാർത്ഥികളാണ് മത്സരരംഗത്തുള്ളത്. ഈ വർഷം ഗോവ നിയമസഭാ തെരരഞ്ഞെടുപ്പിൽ ആകെ ലഭിച്ചത് 587 നാമനിർദ്ദേശ പത്രികകളാണ്. ഫെബ്രുവരി 14നാണ് ഗോവയിൽ നിയമസഭാ തെരഞ്ഞെടുപ്പ് നടക്കുന്നത്.മാർച്ച് 10നാണ് വോട്ടെണ്ണൽ.

അഞ്ച് സംസ്ഥാനങ്ങളില്‍ നടക്കുന്ന നിയമസഭ തിരഞ്ഞെടുപ്പിന്‍റെ ഒന്നാം ഘട്ടത്തിനുള്ള പ്രചാരണം ചൊവ്വാഴ്ച അവസാനിക്കുകയാണ്. നിയമസഭ തെരഞ്ഞെടുപ്പ് നടക്കുന്ന ഉത്തർപ്രദേശിലെയും ഗോവയിലെയും നിയമസഭ തെരഞ്ഞെടുപ്പുകൾക്കായുള്ള ഭാരതീയ ജനതാ പാർട്ടിയുടെ ലോക് കല്യാൺ സങ്കൽപ് പത്ര (തെരഞ്ഞെടുപ്പ് പ്രകടനപത്രിക) ഇന്ന് പുറത്തിറങ്ങും.

കോൺഗ്രസിന്റെയും ആം ആദ്‌മിയുടെയും പ്രകടനപത്രികകൾ ഭരണകക്ഷിയായ ബിജെപിക്ക് ഗോവയിൽ വെല്ലുവിളിയാണ്. കോൺഗ്രസിന്റെ തെരെഞ്ഞെടുപ്പ് പ്രചാരണത്തിനായി പ്രിയങ്ക ഗാന്ധി ഇന്നലെ ഗോവയിൽ എത്തിയിരുന്നു. വെള്ളിയാഴ്ച രാഹുൽ ഗാന്ധിയും ഗോവയിലെത്തും.

Story Highlights: goa-assembly-election-2022-goa-declares-polling-day-as-public-holiday-