യുഎഇയിൽ ആദ്യമായി ഇന്ധന വില 3 ദിർഹം കടന്നു

യുഎഇയിൽ ഇന്ന് മുതൽ ഇന്ധനവില കൂടും. യുഎഇ മാർച്ച് മാസത്തെ ഇന്ധന വില പ്രഖ്യാപിച്ചു. ഇതാദ്യമായി യുഎഇയിൽ ഇന്ധന വില 3 ദിർഹം കടന്നു. അന്താരാഷ്ട്ര വിപണയിൽ ക്രൂഡ് ഓയിലിന്റെ വില വർധിച്ച പശ്ചാത്തലത്തിലാണ് യുഎഇയിൽ ആദ്യമായി ഇന്ധന വില വർധിപ്പിച്ചത്. പെട്രോള്‍ ലീറ്ററിന് 29 മുതൽ 30 ഫിൽസു വരെയും ഡീസലിന് 31 ഫിൽസും വർധന രേഖപ്പെടുത്തിയതോടെയാണ് 3 ദിർഹം കടന്നത്.

സൂപ്പർ 98 പെട്രോൾ ലീറ്ററിന് 3.23 ദിർഹം നൽകണം. ഫെബ്രുവരിയിൽ ഇത് 2.94 ദിർഹമായിരുന്നു. സ്പെഷ്യൽ 95 ന് ലീറ്ററിന് 3.12 (2.82). ഇ–പ്ലസ് –3.05 (2.75). ഡീസലിന് 31 ഫിൽസാണ് വർധിച്ചത്. ഫെബ്രുവരിയിൽ ലീറ്ററിന് 2.88 ദിർഹമായിടത്ത് മാർച്ചിൽ 3.19 ദിർഹം നൽകേണ്ടി വരും.

Story Highlights: uae-oil-price-hike