അധ്യാപികയോട് അപമര്യാദയായി പെരുമാറിയ ജൂനിയര്‍ സൂപ്രണ്ട് അറസ്റ്റില്‍

പ്രൊവിഡന്റ് ഫണ്ടിലെ അപാകത പരിഹരിച്ചതിന് പ്രതിഫലമായി അധ്യാപികയെ ഹോട്ടല്‍ റൂമിലേക്ക് വിളിച്ചു വരുത്തുവാന്‍ ശ്രമിച്ച പി.എഫ് വിഭാഗം സംസ്ഥാന നോഡല്‍ ഓഫീസര്‍ കോട്ടയത്ത് ഇന്റലിജന്‍സ് പിടിയില്‍. കാസര്‍ഗോഡ് വിദ്യാഭ്യാസ ഡപ്യൂട്ടി ഡയറക്ടര്‍ ഓഫീസിലെ ജൂനിയര്‍ സൂപ്രണ്ട് കണ്ണൂര്‍ സ്വദേശി വിനോയി ചന്ദ്രന്‍ (41) ആണ് പിടിയിലായത്.

ഗവണ്‍മെന്റ് എയ്ഡഡ് ഇന്‍സ്റ്റിറ്റിയൂഷണല്‍ പി.എഫ് നോഡല്‍ ഓഫീസറായ പ്രതി കോട്ടയത്ത് എത്തിയ ശേഷം സ്വകാര്യ ഹോട്ടലില്‍ മുറിയെടുത്ത ശേഷം അധ്യാപികയെ വിളിച്ചു വരുത്തുകയായിരുന്നു. ഈ വിവരം അധ്യാപിക ഇന്റലിജന്‍സ് വിഭാഗത്തെ വിവരം അറിയിക്കുകയായിരുന്നു.
തുടര്‍ന്നാണ് ഹോട്ടല്‍ മുറിയില്‍ നിന്നും ഇയാളെ കസ്റ്റഡിയില്‍ എടുത്തത്.

Story Highlights: Junior superintendent arrested