ചെർണോബിൽ ആണവനിലയത്തിൽ അറ്റകുറ്റപ്പണികൾ ആരംഭിച്ചു; ഐഎഇഎ

യുക്രൈനിലെ ചെർണോബിൽ ന്യൂക്ലിയർ പവർ പ്ലാന്റിലെ (എൻപിപി) വൈദ്യുതി വിതരണം പുനഃസ്ഥാപിക്കാനുള്ള ശ്രമം ആരംഭിച്ചതായി അധികൃതർ. സാങ്കേതിക വിദഗ്ധർ തകരാറിലായ വൈദ്യുതി ലൈനുകൾ നന്നാക്കാൻ തുടങ്ങിയതായി ഇന്റർനാഷണൽ ആറ്റോമിക് എനർജി ഏജൻസി വെള്ളിയാഴ്ച അറിയിച്ചു.

മാർച്ച് 10 ന് അറ്റകുറ്റപ്പണികൾ ആരംഭിച്ചിരുന്നു. ഒരു ഭാഗം അറ്റകുറ്റപ്പണികൾ നടത്തിയെങ്കിലും ഓഫ്-സൈറ്റ് വൈദ്യുതി അപ്പോഴും നിലച്ചിരുന്നതായും യുക്രൈനിയൻ അധികൃതർ അറിയിച്ചു. മറ്റിടങ്ങളിൽ ഇപ്പോഴും നാശനഷ്ടങ്ങളുണ്ടെന്നാണ് ഇത് സൂചിപ്പിക്കുന്നത്. പ്രതികൂല സാഹചര്യമുണ്ടായിട്ടും അത് മറികടന്നാണ് NPP സൈറ്റിൽ അറ്റകുറ്റപ്പണികൾ പുരോഗമിക്കുന്നത്.

മാർച്ച് 9 മുതൽ എമർജൻസി ഡീസൽ ജനറേറ്ററുകൾ സൈറ്റിലേക്ക് ബാക്കപ്പ് പവർ നൽകുന്നുണ്ടെന്നും ഏജൻസി അറിയിച്ചു. കൂടാതെ റെഗുലേറ്റർ ഈ സൗകര്യത്തിലേക്ക് അധിക ഇന്ധനം എത്തിച്ചിട്ടുണ്ടെന്ന് റിപ്പോർട്ട് ചെയ്തിട്ടുണ്ട്, എന്നാൽ ജീവനക്കാർക്ക് ഇപ്പോഴും തിരിക്കാൻ കഴിഞ്ഞിട്ടില്ല. മാർച്ച് 10 ന് ചോർണോബിൽ ആണവ നിലയവുമായുള്ള എല്ലാ ആശയവിനിമയങ്ങളും റെഗുലേറ്ററിന് നഷ്ടപ്പെട്ടതായി യുക്രൈൻ റിപ്പോർട്ട് ചെയ്തിരുന്നു.

അറ്റകുറ്റപ്പണികൾ നടത്തുന്നതിന് ആവശ്യമായ സ്പെയർ പാർട്സ്, ഉപകരണങ്ങൾ, സ്പെഷ്യലൈസ്ഡ് ഉദ്യോഗസ്ഥർ എന്നിവ എത്തിക്കാൻ റഷ്യയുടെ നിയന്ത്രണത്തിലുള്ള സപ്പോരിജിയ എൻപിപിക്ക് കഴിയുന്നില്ലെന്നും ഏജൻസി നേരത്തെ അറിയിച്ചിരുന്നു.

Story Highlights: repair-work-begins-at-ukraines-chernobyl-nuclear-plant