വ്‌ളാദിമിർ സെലൻസ്‌കിയുടെ ഭാര്യ തോക്കെടുത്ത് യുദ്ധമുഖത്ത് ? പ്രചരിക്കുന്ന ചിത്രത്തിന് പിന്നിലെ സത്യാവസ്ഥ പരിശോധിക്കാം [24 Fact Check]

യുക്രൈൻ പ്രസിഡന്റ് വ്‌ളാദിമിർ സെലൻസ്‌കിയുടെ ഭാര്യ സൈന്യത്തിൽ ചേർന്ന് റഷ്യയ്‌ക്കെതിരെ യുദ്ധം ചെയ്യുന്നുവെന്ന് പ്രചാരണം. ആയുധധാരിയായ സ്ത്രീയുടെ ചിത്രത്തിനൊപ്പമാണ് പ്രചാരണം. ഇതോടെ സെലൻസ്‌കിയുടെ ഭാര്യ ഒലേന സെലൻസ്‌കിയെ അനുമോദിച്ച് നിരവധി പേർ പോസ്റ്റ് പങ്കുവച്ചു. ( Vladimir zelensky wife fighting war fact check )

എന്നാൽ ഇത് വ്യാജമാണ്. ചിത്രത്തിൽ കാണുന്നത് ഒലേന സെലൻസ്‌കിയല്ല മറിച്ച്, യുക്രൈനിയൻ സൈന്യത്തിലെ വനിതാ ഓഫിസറാണ്. യുക്രൈന്റെ 30ാം സ്വാതന്ത്ര്യദിനത്തോടനുബന്ധിച്ച് നടത്തിയ മിലിട്ടറി പരേഡിൽ നിന്നുള്ള ചിത്രമാണ് ഇത്.

Read Also : ഇത് റഷ്യ-യുക്രൈൻ യുദ്ധത്തിലെ ചിത്രമല്ല; ചിത്രത്തിന് പിന്നിലെ സത്യാവസ്ഥ എന്ത് ? [ 24 Fact Check]

ഈ ചിത്രത്തിലെ വനിതയെ യുക്രൈനിയൻ പട്ടാളക്കാരുടെ ഐസ്റ്റോക്ക് ചിത്രങ്ങളിലും കാണാം. ഒലേന സെലൻസ്‌കി ആയുധമെടുത്ത് യുദ്ധം ചെയ്യുന്നതുമായി ബന്ധപ്പെട്ട് ഇതുവരെ വാർത്തകളൊന്നും പുറത്തുവന്നിട്ടില്ല.

Read Also : പുടിനെ കൂടിക്കാഴ്ചയ്ക്ക് ക്ഷണിച്ച് സെലൻസ്‌കി

ചില സോഷ്യൽ മീഡിയ പോസ്റ്റുകളിൽ ചിത്രത്തിൽ കാണുന്ന യുക്രൈൻ വൈസ് പ്രസിഡന്റിന്റെ ഭാര്യയാണെന്നും പ്രചാരണമുണ്ട്. എന്നാൽ യുക്രൈനിൽ വൈസ് പ്രസിഡന്റില്ല, പ്രൈം മിനിസ്റ്ററാണ് ഉള്ളത്. ഇതോടെ ഈ പ്രചരണവും പൊളിയുകയാണ്.

Story Highlights: Vladimir zelensky wife fighting war fact check