ഒമാനിലെ സ​ഫി സ​ഹ്‌​റ ഗ്രാ​മ​ത്തി​ൽ പുരാതനമെന്ന് കരുതുന്ന ഗു​ഹ ക​ണ്ടെ​ത്തി​

ഒമാനിലെ ദാ​ഖി​ലി​യ ഗ​വ​ർ​ണ​റേ​റ്റി​ലെ സ​ഫി സ​ഹ്‌​റ ഗ്രാ​മ​ത്തി​ൽ ഒ​മാ​നി ഗു​ഹ പ​ര്യ​വേ​ക്ഷ​ണ സം​ഘം പുരാതനമെന്ന് കരുതുന്ന ഗു​ഹ ക​ണ്ടെ​ത്തി. നി​സ്​​വ വി​ല​യാ​ത്തി​ലെ ജ​ബ​ൽ അ​ഖ്ദ​റി​ലാണ് സഫി സ​ഹ്‌​റ ഗ്രാ​മം സ്ഥിതി ചെയ്യുന്നത്. ഗു​ഹ ക​ണ്ടെ​ത്തി​യ​തോ​ടെ ഇനിമുതൽ നി​ര​വ​ധി സ​ഞ്ചാ​രി​ക​ളെ ഇ​വി​ടേ​ക്ക്​ ആ​ക​ർ​ഷി​ക്കാ​നാ​കു​മെ​ന്നാ​ണ്​ അധികൃതരുടെ പ്രതീക്ഷ.

ഒ​മാന്റെ നിരവധി ഭാ​ഗങ്ങളിൽ ഇത്തരത്തിൽ ഗു​ഹ​കൾ കണ്ടെത്തിയിട്ടുണ്ട്. അ​ടു​ത്തി​ടെ സ​മാ​പി​ച്ച മ​സ്ക​ത്ത്​ അ​ന്താ​രാ​ഷ്​​ട്ര പു​സ്ത​ക​മേ​ള​യി​ൽ ഒ​മാ​നി​ലെ ഗു​ഹ​ക​ളെ​ക്കു​റി​ച്ച് അ​റ​ബി​യി​ലും ഇം​ഗീ​ഷി​ലു​മു​ള്ള പു​സ്ത​കം പു​റ​ത്തി​റ​ക്കി​യി​രു​ന്നു.

Read Also : സൗദിയിലെ പൊടിക്കാറ്റ്; ജാ​ഗ്രത പാലിക്കണമെന്ന് കാലാവസ്ഥാ നിരീക്ഷണ കേന്ദ്രം

ഒ​മാ​നി കേ​വ്സ് പ​ര്യ​വേ​ക്ഷ​ണ സം​ഘം (ഒ.​സി.​ഇ.​ടി) ക​ഴി​ഞ്ഞ അ​ഞ്ചു​വ​ർ​ഷ​ത്തി​നി​ടെ നൂ​റി​ല​ധി​കം ഗു​ഹ​ക​ളാണ് പ​ര്യ​വേ​ക്ഷ​ണം ചെ​യ്ത് രേ​ഖ​പ്പെ​ടു​ത്തിയത്. അവരുടെ വർഷങ്ങളായുള്ള പരിശ്രമത്തിന്റെ ഫലമായാണ് സ​ഫി സ​ഹ്‌​റയിൽ പുരാതന ​ഗുഹയുണ്ടെന്ന് വെളിപ്പെട്ടത്.

സ​ഫി സ​ഹ്‌​റ പ്ര​ദേ​ശ​ത്ത് താ​മ​സി​ക്കു​ന്ന​വ​രാ​ണ് ഗു​ഹാ​സ്ഥ​ലം ക​ണ്ടെ​ത്തു​ന്ന​തി​ന് പ​ര്യ​വേ​ക്ഷ​ക​രെ സ​ഹാ​യി​ച്ച​ത്. പ്രദേശവാസികളിൽ നിന്ന് വലിയ സഹായവും പിന്തുണയുമാണ് തങ്ങൾക്ക് ലഭിച്ചതെന്ന് പ​ര്യ​വേ​ക്ഷ​ണ സം​ഘം പറയുന്നു.

Story Highlights: ancient cave has been discovered in the village of Safi Zahra in Oman