കേരൾ മേം ഗുസ്തി ,ദില്ലി മേം ദോസ്തി ; സിൽവർ ലൈനിൽ കേരള എംപിമാരെ പരാമർശിച്ച് കേന്ദ്ര റയിൽവേ മന്ത്രി

സിൽവർ ലൈനുമായി ബന്ധപ്പെട്ട പരിസ്ഥിതി പ്രശ്നങ്ങൾ ഗൗരവമെന്ന് കേന്ദ്ര റെയിൽവേ മന്ത്രി അശ്വിനി വൈഷ്ണവ്. ലോക്സഭയിൽ കേരള എംപിമാരുടെ ചോദ്യങ്ങൾക്ക് മറുപടി പറയുകയായിരുന്നു മന്ത്രി. ( ashwini vaishnaw about silverline )

സിൽവർ ലൈനിന് കേന്ദ്രം നൽകിയത് തത്വത്തിലുള്ള അനുമതിയാണ്. അന്തിമ അനുമതി വിശദമായ ടെക്നോ ഇക്കണോമിക് ഫീസിബിലിറ്റി റിപ്പോർട്ട് കണക്കിലെടുത്ത് മാത്രമേ നൽകൂ . എതിർപ്പ് ഉയർത്തുന്നവർ ഉന്നയിക്കുന്ന വിഷയങ്ങൾ ഗൗരവതരമാണ് . പരിസ്ഥിതി പ്രശ്നത്തിനിടയാക്കുമെന്ന് മെട്രോമാൻ ഇ ശ്രീധരൻ അറിയിച്ചിട്ടുണ്ടെന്നും ഹൈബി ഈഡൻ്റെയും ബെന്നി ബെഹന്നാൻ്റെയും ചോദ്യങ്ങൾക്ക് റയിൽവേ മന്ത്രി മറുപടി നൽകി.

Read Also : ‘പാവപ്പെട്ടവന്റെ കെഎസ്ആർടിസിയെ മരണത്തിന് വിട്ട് കൊടുക്കുന്നു; സിൽവർലൈൻ വരേണ്യ വിഭാഗത്തിന് വേണ്ടി’ : വി.ഡി സതീശൻ

സിൽവർ ലൈനിന് അന്തിമ അനുമതി ഉടൻ നൽകണമെന്ന് ആലപ്പുഴ എം പി എം ആരിഫ് ആവശ്യപ്പെട്ടു. ഇതിനു മറുപടിയായാണ് മന്ത്രി കേരൾ മേം ഗുസ്തി ,ദില്ലി മേം ദോസ്തി (കേരളത്തിൽ ഗുസ്തിയും ദില്ലിയിൽ ചങ്ങാത്തവും ) എന്ന് പറഞ്ഞത് . ഇവർ തമ്മിലുള്ള തർക്കത്തിൻ്റെ അന്തർധാര തനിക്കറിയില്ലെന്നും കേന്ദ്ര മന്ത്രി പറഞ്ഞപ്പോൾ സഭയിൽ ചിരി പടർന്നു.

Story Highlights: ashwini vaishnaw about silverline