ബഹ്റൈനിൽ ചെറിയ വരുമാനത്തിൽ ജീവിക്കുന്നവർക്കുള്ള സ​ഹാ​യം റ​മ​ദാ​നി​ൽ ഇ​ര​ട്ടി​യാ​വും

ബഹ്റൈനിൽ താമസിക്കുന്ന കു​റ​ഞ്ഞ വ​രു​മാ​ന​ക്കാ​രാ​യ കു​ടും​ബ​ങ്ങ​ൾ​ക്ക്​ ന​ൽ​കി​വരുന്ന സാ​മ്പ​ത്തി​ക​സ​ഹാ​യം റ​മ​ദാൻ മാസത്തിൽ ഇ​ര​ട്ടി​യാ​ക്കാ​ൻ ഗു​ദൈ​ബി​യ പാ​ല​സി​ൽ നടന്ന മ​ന്ത്രി​സ​ഭായോ​ഗത്തിന്റെ തീരുമാനം. കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ അ​ധ്യ​ക്ഷ​ത​യി​ലാണ് യോ​ഗം ചേർന്നത്.

സാ​മ്പ​ത്തി​ക​സ​ഹാ​യങ്ങൾ റ​മ​ദാ​ന്​ മു​​ന്നോ​ടി​യാ​യിത്തന്നെ ജനങ്ങൾക്ക് വിതരണം ചെയ്യും. തൊ​ഴി​ൽ, സാ​മൂ​ഹി​ക​ക്ഷേ​മ​കാ​ര്യ ​മ​ന്ത്രാ​ല​യ​ത്തെ സഹാ​യം വി​ത​ര​ണം ചെ​യ്യാ​ൻ ചു​മ​ത​ല​​​പ്പെ​ടു​ത്തിയിട്ടുണ്ട്.

ഈ വർഷം ജ​നു​വ​രി മു​ത​ൽ കു​റ​ഞ്ഞ വ​രു​മാ​ന​ക്കാ​രാ​യ കു​ടും​ബ​ങ്ങ​ൾ​ക്കുള്ള സാ​മ്പ​ത്തി​ക​സ​ഹാ​യം 10 ശ​ത​മാ​നം വ​ർ​ധി​പ്പി​ച്ചി​രു​ന്നു. റ​മ​ദാ​ൻ അ​ടു​ത്ത സാ​ഹ​ച​ര്യ​ത്തി​ൽ അ​ടി​സ്ഥാന ഭ​ക്ഷ​ണ​സാ​ധ​ന​ങ്ങ​ളു​ടെ വി​ല വ​ർ​ധി​ക്കു​ന്ന​ത്​ ത​ട​യാ​ൻ മാ​ർ​ക്ക​റ്റു​ക​ളി​ൽ നി​രീ​ക്ഷ​ണം ശ​ക്ത​മാ​ക്കും.

Read Also : ഒമാനിൽ ചരക്കു കപ്പലിന്​ തീപിടിച്ച്​ കാണാതായ ഇന്ത്യക്കാര​നെ മരിച്ച നിലയിൽ കണ്ടെത്തി

വാ​ണി​ജ്യ, വ്യ​വ​സാ​യ, ടൂ​റി​സം മ​ന്ത്രാ​ല​യ​ത്തെയാണ് മാ​ർ​ക്ക​റ്റു​ക​ളി​ൽ നി​രീ​ക്ഷ​ണം നടത്താൻ ചു​മ​ത​ല​പ്പെ​ടു​ത്തിയിരിക്കുന്നത്. അ​ടി​സ്ഥാ​ന ഭ​ക്ഷ്യ​വ​സ്​​തു​ക്ക​ളു​ടെ ല​ഭ്യ​ത ഉ​റ​പ്പാ​ക്കാ​നും വി​ല നി​യ​ന്ത്രി​ക്കാ​നും സ്വീ​ക​രി​ച്ച ന​ട​പ​ടി​ക​​ളെ​ക്കു​റി​ച്ചും മന്ത്രിസഭായോ​ഗത്തിൽ വി​ശ​ദീ​ക​രി​ച്ചു.

സൗ​ദി​യി​ലെ റി​യാ​ദ്​ പ​ട്ട​ണ​ത്തി​ലെ എ​ണ്ണ​ശു​ദ്ധീ​ക​ര​ണ​ശാ​ല​ക്കു​നേ​രെ​യു​ണ്ടാ​യ ഡ്രോ​ൺ ആ​ക്ര​മ​ണ​ത്തെ മ​ന്ത്രി​സ​ഭ അ​പ​ല​പി​ച്ചു. സൗ​ദി ഭരണകൂടം ഇ​ത്ത​രം പ്ര​വ​ർ​ത്ത​ന​ങ്ങ​ൾ​ക്കെ​തി​രെ സ്വീ​ക​രിക്കുന്ന ന​ട​പ​ടി​ക​ൾ​ക്ക്​ പൂ​ർ​ണ പി​ന്തു​ണ പ്ര​ഖ്യാ​പി​ക്കു​ക​യും ചെ​യ്​​തു. രാ​ജാ​വ്​ ഹ​മ​ദ്​ ബി​ൻ ഈ​സ ആ​ൽ ഖ​ലീ​ഫ​യു​ടെ യു.​എ.​ഇ സ​ന്ദ​ർ​ശ​നം വി​ജ​യ​ക​ര​മാ​യി​രു​ന്നു​വെ​ന്ന്​ യോ​ഗം വി​ല​യി​രു​ത്തി.

Story Highlights: Bahrain, Financial help will be doubled in Ramadan