ലോട്ടറി വിൽപ്പനക്കാരിയെ പീഡിപ്പിക്കാൻ ശ്രമിച്ച യുവാവ് അറസ്റ്റിൽ, പിന്നാലെ ആത്മഹത്യാശ്രമം
ലോട്ടറിക്കച്ചവടം നടത്തുന്ന സ്ത്രീയെ പിന്തുടർന്നെത്തി പീഡിപ്പിക്കാൻ ശ്രമിച്ച യുവാവ് പിടിയിൽ. കോട്ടയത്താണ് സംഭവം. ഒളശ്ശ വേലംകുളത്ത് രാഹുലിനെയാണ് (21) പാലാ പൊലീസ് അറസ്റ്റ് ചെയ്തത്. അറസ്റ്റിലായതിന് പിന്നാലെ പ്രതി ഞരമ്പ് മുറിച്ച് ആത്മഹത്യയ്ക്കും ശ്രമിച്ചു. കഴിഞ്ഞ ദിവസം രാത്രി ഏഴേകാലിനാണ് കേസിനാസ്പദമായ സംഭവം നടക്കുന്നത്.
Read Also : കോടതി ജീവനക്കാരെ ആക്രമിച്ച യുവാവ് പിടിയിൽ
കോട്ടയത്തു നിന്ന് ലോട്ടറിവിൽപ്പനക്കാരിയുടെ പിന്നാലെ കൂടിയ പ്രതി ഗൂഗിൾപേ ചെയ്യാനെന്ന വ്യാജേന നമ്പർ വാങ്ങിയെടുക്കുകയും ഫോൺ വിളിച്ച് കുടുംബ സാഹചര്യവും താമസസ്ഥലവും മനസിലാക്കുകയുമായിരുന്നു. തുടർന്ന് കഴിഞ്ഞ ദിവസം വൈകിട്ട് ലോട്ടറിക്കച്ചവടം നടത്തുന്ന സ്ത്രീയാത്ര ചെയ്ത അതേ ബസിൽ പിന്തുടർന്നു. സ്ഥലമെത്തിയപ്പോൾ ബസിറങ്ങി ഇടവഴിയിലൂടെ വീട്ടിലേക്ക് പോവുകയായിരുന്ന ലോട്ടറിക്കച്ചവടക്കാരിയെ പ്രതി അടുത്തുള്ള റബർ തോട്ടത്തിലേക്ക് വലിച്ചിഴച്ചുകൊണ്ടു പോയാണ് പീഡിപ്പിക്കാൻ ശ്രമിച്ചത്. അവർ ബഹളം വച്ചപ്പോൾ ഫോൺ പിടിച്ചുവാങ്ങുകയും ചെയ്തു.
കുതറിമാറി ഓടി റോഡിലെത്തിയ സ്ത്രീയെ ഒരു ബൈക്ക് യാത്രികനാണ് രക്ഷപ്പെടുത്തിയത്. തുടർന്ന് പൊലീസിൽ അറിയിച്ചു. സൈബർ സെല്ലിന്റെ സഹായത്തോടെ പ്രതിയുടെ ഫോൺ നമ്പർ മനസ്സിലാക്കിയ പൊലീസ് ഒളശയിലെ വീട്ടിൽ നിന്നാണ് ഇയാളെ പിടികൂടിയത്.
Story Highlights: Young man arrested for trying to seduce lottery seller, attempted suicide
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here