വരനെ ആവശ്യമുണ്ട്!… ലോകത്തിലെ ഏറ്റവും നീളം കൂടിയ കാലുകളുള്ള പെണ്കുട്ടി
ഉയരം കുറഞ്ഞതിന്റെ പേരില് വിഷമിക്കുന്നവര് ലോകത്ത് ധാരാളമുണ്ട്. നല്ല പൊക്കമുണ്ടായിരുന്നെങ്കില് നല്ല ആത്മവിശ്വാസം തോന്നുമായിരുന്നെന്ന് ചിലര്ക്ക് തോന്നാറുണ്ട്. എന്നാല് റഷ്യന് സുന്ദരിയായ എകറ്റെറിന ലിസിന തന്റെ ഉയരം കാരണം ഏറെ അസ്വസ്ഥയാണ്. ( Groom Wanted World’s tallest model )
6 അടി 9 ഇഞ്ച് ആണ് ലിസിനയുടെ ഉയരം. ലോകത്തിലെ ഏറ്റവും ഉയരം കൂടിയ മോഡലുമാണ് ലിസിന ( Ekaterina Lisina . ഉയരത്തില് ഗിന്നസ് വേള്ഡ് റെക്കോഡും ലിസി സ്ഥാപിച്ചു. എന്നാല് ഇപ്പോള് ലിസിനയെ ഏറെ വിഷമിപ്പിക്കുന്നത് ഇതൊന്നുമല്ല, ഉയരം കൂടിയതിനാല് ഇവര്ക്ക് പങ്കാളിയെ കണ്ടെത്താനാകുന്നില്ല.
ഒരു ബന്ധത്തില് ഉയരം പ്രശ്നമല്ലെന്നാണ് ലിസിന പറയുന്നത്. എന്നാല് സമൂഹത്തില് പുരുഷന് ഉയരം കുറവും സ്ത്രീയ്ക്ക് ഉയരവുമുണ്ടെങ്കില് ആ ദമ്പതികളെ മോശം കണ്ണുകളോടെയാണ് കാണുന്നത്. അതുകൊണ്ടാണ് തന്നേക്കാള് 1 അടി ഉയരം കുറവുള്ള ആളുമായി പോലും പ്രണയം തുടങ്ങാന് ലിസിന തയ്യാറായത്. ഡേറ്റിംഗ് ആപ്പുകളിലും ആണ്കുട്ടികളെ തിരയുന്നുണ്ട . 29 കാരിയായ ലിസിനയുടെ ഇടതുകാലിന്റെ നീളം 132.8 സെന്റിമീറ്ററും വലതുകാലിന്റെ നീളം 132.2 സെന്റിമീറ്ററുമാണ്.
Read Also : സ്വർണ വിലയിൽ വൻ വർധന
‘ആണ്കുട്ടി എന്നെ പരിപാലിക്കുന്ന, എന്നെ ശ്രദ്ധിക്കുക സാമ്പത്തികമായി താങ്ങാനാകുന്ന ഒരാളായിരിക്കണം ‘ ലിസിന പറയുന്നു. നീളം കാരണം ലിസിനയ്ക്ക് പലതവണ പ്രശ്നങ്ങള് നേരിടേണ്ടി വന്നിട്ടുണ്ട്. വിമാനത്തിലോ കാറിലോ ഇരിക്കാന് അവര്ക്ക് ബുദ്ധിമുട്ടാണ് . അവരുടെ വലിപ്പത്തിലുള്ള വസ്ത്രങ്ങളോ ചെരിപ്പുകളോ ലഭ്യമല്ല. അവര്ക്കായി പ്രത്യേകം ഷൂസ് ഉണ്ടാക്കണം. ലിസിനയുടെ കുടുംബത്തില് എല്ലാവരും ഉയരം കൂടിയവരാണ്. സഹോദരന്റെ ഉയരം 6 അടി 6 ഇഞ്ച്, അച്ഛന്റെ ഉയരം 6 അടി 5 ഇഞ്ച്, അമ്മയുടെ ഉയരം 6 അടി 1 ഇഞ്ച് എന്നിങ്ങനെയാണ്.
പ്രൊഫഷണല് ബാസ്കറ്റ്ബോള് കളിക്കാരിയായിരുന്നു ലിസിന. 2008 ഒളിമ്പിക്സില് വെങ്കല മെഡലും നേടി. എന്നാല് അതില് നിന്ന് വിരമിച്ച ശേഷമാണ് മോഡലിംഗ് ലോകത്തേക്ക് ചുവടുവച്ചത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here