ബംഗാളിലെ വനമേഖലയിൽ പരുക്കേറ്റ നിലയിൽ 3 കംഗാരുക്കൾ; അന്വേഷണത്തിന് പ്രത്യേക സംഘം

ബംഗാളിലെ വനമേഖലയിൽ പരുക്കേറ്റ നിലയിൽ മൂന്ന് കം​ഗാരു കുഞ്ഞുങ്ങളെ കണ്ടെത്തി. ​ഗജോൽഡോബ വനമേഖലയിൽ രണ്ടെണ്ണത്തിനെ പരുക്കേറ്റ നിലയിലാണ് കണ്ടെത്തിയത്. ഒരെണ്ണത്തിനെ ദബ്​ഗ്രാം വനമേഖലയിലെ ജഹ്റബാരി-നേപ്പാളി പ്രദേശത്ത് നിന്നും കണ്ടെത്തി.(Probe Ordered After 3 Kangaroos Found In Bengal Forest)

രണ്ടെണ്ണം ഗുരുതര പരുക്കേറ്റ നിലയിലായിരുന്നു. ഇവയെ ഉടൻ തന്നെ ബം​ഗാൾ സഫാരി പാർക്കിൽ ചികിത്സക്കായി എത്തിച്ചു. അന്വേഷണത്തിനായി പ്രത്യേക സംഘത്തെ നിയോ​ഗിച്ചതായും അധികൃതർ പറഞ്ഞു. ഓസ്ട്രേലിയയിൽ മാത്രം കണ്ടുവരുന്ന ജീവിയാണ് കം​ഗാരു.

Read Also : ജയിലിൽ കഴിയുന്നത് 53 പേർ; ലങ്കൻ പേടിയിൽ മത്സ്യതൊഴിലാളികൾ…

സംഭവത്തെക്കുറിച്ച് അന്വേഷണം ആരംഭിച്ചതായി വനംവകുപ്പ് അധികൃതർ വ്യക്തമാക്കി. എവിടെ നിന്നാണ് കം​ഗാരുക്കുട്ടികളെ കൊണ്ടുവന്നതെന്നും ആരാണ് കൊണ്ടുവന്നതെന്നും അന്വേഷിക്കുകയാണെന്ന് ബെലാകോബ ഫോറസ്റ്റ് റെഞ്ച് ഓഫിസർ സഞ്ജയ് ദത്ത പറഞ്ഞു. വെള്ളിയാഴ്ച രാത്രി ഫോറസ്റ്റ് ഓഫിസർമാരുടെ രാത്രികാല പട്രോളിങ്ങിനിടെയാണ് കം​ഗാരുക്കളെ കണ്ടെത്തിയത്.

Story Highlights: Probe Ordered After 3 Kangaroos Found In Bengal Forest