Advertisement

ശ്രദ്ധിച്ച് വാഹനമോടിക്കാൻ പറഞ്ഞു, പൊലീസുകാരന് ക്രൂര മർദനം| video

April 9, 2022
4 minutes Read
Man Snatches Cop's Baton, Thrashes Him After Minor Accident
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

മധ്യപ്രദേശിലെ ഇൻഡോറിൽ പൊലീസുകാരന് യുവാവിൻ്റെ ക്രൂര മർദനം. ഇൻഡോറിലെ വെങ്കിടേഷ് നഗറിൽ ഉണ്ടായ ഒരു അപകടത്തിൻ്റെ പേരിലാണ് യുവാവിൻ്റെ അതിക്രമം. കൈയിലുണ്ടായിരുന്ന ലാത്തി പിടിച്ചുവാങ്ങിയ ശേഷം പൊലീസ് കോൺസ്റ്റബിളിനെ മർദിക്കുകയായിരുന്നു.

സംഭവത്തിന്റെ വീഡിയോ സാമൂഹിക മാധ്യമങ്ങളിൽ വൈറലായി. പ്രതിയുടെയും മർദനമേറ്റ പൊലീസുകാരന്റെയും വാഹനം ചെറിയ രീതിയിൽ കൂട്ടിയിടിച്ചു. പ്രതിയോട് ശ്രദ്ധിച്ച് വാഹനമോടിക്കാൻ പറഞ്ഞതോടെ ഇയാൾ പ്രകോപിതനായി. ലാത്തികൈക്കലാക്കി യൂണിഫോമിൽ നിൽക്കുന്ന കോൺസ്റ്റബിൾ ജയ്പ്രകാശ് ജയ്‌സ്വാളിനെ മർദിച്ചു.

പൊതുജനമധ്യത്തിലായിരുന്നു ആക്രമണം. ആക്രമണത്തിൽ പൊലീസുകാരന്റെ തലയ്ക്ക് ഗുരുതരമായി പരുക്കേറ്റെന്ന് പൊലീസ് അറിയിച്ചു. സംഭവത്തിൽ 25 കാരനായ ദിനേശ് പ്രജാപതിയെ അറസ്റ്റ് ചെയ്തു. വിഡിയോയുടെ അടിസ്ഥാനത്തിൽ ഐപിസി 307 അടക്കമുള്ള വകുപ്പുകൾ ചേർത്താണ് പ്രതിയെ അറസ്റ്റ് ചെയ്തത്.

Story Highlights: man snatches cop’s baton and thrashes him

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement