അഫ്​ഗാനിസ്ഥാനിൽ പള്ളിയിൽ സ്ഫോടനം; പത്ത് പേർ കൊല്ലപ്പെട്ടു

അഫ്​ഗാനിസ്ഥാനിൽ കാബൂളിലെ പള്ളിയിലുണ്ടായ സ്ഫോടനത്തിൽ പത്ത് പേർ കൊല്ലപ്പെട്ടു. പതിനഞ്ച് പേർക്ക് ​ഗുരുതരമായി പരുക്കേറ്റിട്ടുണ്ട്. ഈ സംഭവത്തിന്റെ കൂടുതൽ വിവരങ്ങൾ ലഭ്യമായിട്ടില്ല. ഈ മാസം 22-ാം തീയതി അഫ്‌ഗാനിസ്ഥാനിലെ ഷിയ മുസ്ലിം പള്ളിയിലുണ്ടായ സ്‌ഫോടനത്തിലും 10 പേർ കൊല്ലപ്പെട്ടിരുന്നു. അന്ന് 40 പേർക്കാണ് പരിക്കേറ്റത്. മസാരെ ഷരീഫ്‌ നഗരത്തിലുള്ള പള്ളിയിൽ പ്രാർത്ഥനയ്‌ക്കിടയിലാണ്‌ സ്‌ഫോടനമുണ്ടായത്‌.

Read Also : പഞ്ച്ശീർ പ്രവിശ്യയിൽ താലിബാൻ ആക്രമണം

20ന് പുലർച്ചെ കാബൂളിലുണ്ടായ സ്‌ഫോടനത്തിലും രണ്ട്‌ കുട്ടികൾക്ക്‌ പരിക്കേറ്റിരുന്നു. ഇതും ഷിയ വിഭാഗത്തെ ലക്ഷ്യമിട്ടുള്ളതായിരുന്നു. ഈമാസംതന്നെ ഇതേ പ്രദേശത്ത്‌ സ്കൂളിലുണ്ടായ സ്‌ഫോടനത്തിൽ ആറ്‌ കുട്ടികൾ കൊല്ലപ്പെടുകയും 17 പേർക്ക്‌ പരുക്കേൽക്കുകയും ചെയ്തിരുന്നു.

Story Highlights: Mosque blast in Afghanistan; Ten people killed