40 കോടിയുടെ ബാങ്ക് തട്ടിപ്പ്; എഎപി എംഎൽഎയുടെ സ്ഥാപനങ്ങളിൽ സിബിഐ റെയ്ഡ്

40 കോടി രൂപയുടെ ബാങ്ക് തട്ടിപ്പ് കേസുമായി ബന്ധപ്പെട്ട് പഞ്ചാബ് എഎപി എംഎൽഎ ജസ്വന്ത് സിംഗ് ഗജ്ജൻ മജ്‌റയുടെ സ്ഥാപനങ്ങളിൽ സിബിഐ റെയ്ഡ്. സംഗ്രൂർ ജില്ലയിലെ മലേർ കോട്‌ലയിലേതുൾപ്പെടെ പഞ്ചാബിലെ മൂന്നിടങ്ങളിലായുള്ള ജസ്വന്ത് സിം​ഗിന്റെ സ്ഥാപനങ്ങളിലാണ് റെയ്ഡ് നടക്കുന്നത്. ബാങ്ക് ഓഫ് ഇന്ത്യയുടെ പരാതിയിന്മേലാണ് എഎപി എംഎൽഎയ്ക്കെതിരായ കേസ്.

വിദേശ കറൻസികളുൾപ്പെടെ 16.57 കോടി രൂപയും ക്രമക്കേടുമായി ബന്ധപ്പെട്ട രേഖകളും പിടിച്ചെടുത്തതായി സിബിഐ ഉദ്യോ​ഗസ്ഥർ അറിയിച്ചു. അമർ​ഗഢ് എംഎൽഎയായ ജസ്വന്ത് സിം​ഗ് ഡയറക്റായ കമ്പനികളിലാണ് സിബിഐ പരിശോധന നടത്തിയത്. ബസ്വന്ത്സ് സിം​ഗിന്റെ സഹോദരന്മാരായ ബൽവന്ത് സിംഗ്, കുൽവന്ത് സിംഗ്, അനന്തരവൻ തേജീന്ദർ സിംഗ് എന്നിവരും കമ്പനികളിൽ പങ്കാളിത്തമുള്ളവരാണ്.

Read Also : ജാര്‍ഖണ്ഡില്‍ ഐഎഎസ് ഉദ്യോഗസ്ഥന്റെ അനുയായികളില്‍ നിന്ന് 19 കോടി രൂപ പിടിച്ചെടുത്തു

2011 മുതൽ 2014 കാലയളവ് വരെ ജസ്വന്ത് സിം​ഗിന്റെ കമ്പനിക്കായി നാല് തവണയായി ലുയാനയിലെ ബാങ്ക് ഓഫ് ഇന്ത്യ വായ്പ അനുവദിച്ചിരുന്നു. കേസിൽ‍‍‍‍ 40.92 കോടി രൂപയാണ് ബാങ്കിന് തിരികെ കിട്ടാനുള്ളത്.

Story Highlights: 40 crore bank fraud CBI raid on AAP MLA’s company