പാചക വാതക സിലിണ്ടറിന്റെ വില കൂട്ടി

പാചക വാതക വില വീണ്ടും കൂട്ടി. ഗാർഹിക ഉപയോഗത്തിനുള്ള സിലിണ്ടറിന് മൂന്ന് രൂപ അൻപത് പൈസയാണ് വർദ്ധിപ്പിച്ചത്. വാണിജ്യ സിലിണ്ടറിന് 7 രൂപയാണ് ഇന്ന് കൂട്ടിയത്. തുടർച്ചയായ വില വർധന ഹോട്ടൽ മേഖലയെ പ്രതിസന്ധിയിലാക്കുന്നുവെന്ന് ഉടമകൾ .

ഗാർഹിക സിലിണ്ടറിനും വാണിജ്യ സിലിണ്ടറിനും ഒരുപോലെ വില വർധിപ്പിച്ചതോടെ ജനങ്ങൾ കൂടുതൽ പ്രതിസന്ധിയിലേക്ക് കടക്കുകയാണ്. പുതുക്കിയ വില പ്രകാരം 14.2 കിലോയുടെ ഗാർഹിക സിലിണ്ടറിന് 1010 രൂപ നൽകണം. ഈ മാസം ഇത് രണ്ടാം തവണയാണ് വീട്ടാവശ്യത്തിനുള്ള ഗ്യാസിന്റെ വില കൂട്ടുന്നത്.

വാണിജ്യ സിലിണ്ടറിന് 7 രൂപയാണ് ഇന്ന് കൂട്ടിയത്. 19 കിലോ സിലിണ്ടറിന് 2357 രൂപ 50 പൈസയായി. ഈ മാസം ആദ്യം 102 രൂപ 50 പൈസ വാണിജ്യ സിലിണ്ടറിന് വർധിപ്പിച്ചിരുന്നു. ഭക്ഷണ വില വർധിപ്പിക്കാതെ മുന്നോട്ട് പോകാനാകില്ലെന്ന് ഉടമകൾ.

Story Highlights: gas cylinder price increased