വിൻഡ്‌ഷീൽഡിൽ തകരാറ്; നെയ്മർ സഞ്ചരിച്ച വിമാനം അടിയന്തിരമായി നിലത്തിറക്കി

പിഎസ്ജിയുടെ ബ്രസീൽ സൂപ്പർ താരം നെയ്മർ സഞ്ചരിച്ച പ്രൈവറ്റ് ജെറ്റ് അടിയന്തിരമായി നിലത്തിറക്കി. വിമാനത്തിൻ്റെ വിൻഡ്‌ഷീൽഡിൽ തകരാറ് കണ്ടെത്തിയതിനെ തുടർന്നാണ് വിമാനം നിലത്തിറക്കിയത്. രണ്ട് മണിക്കൂറുകൾക്ക് ശേഷമാണ് താരം യാത്ര തുടർന്നത്. വിമാനത്തിൽ നെയ്മർക്കൊപ്പം സഹോദരി റഫേല്ല സാൻ്റോസ്, പങ്കാളി ബ്രൂണ ബിയാൻകാർഡി എന്നിവരും ഉണ്ടായിരുന്നു.

ബാർബഡോസിൽ അവധിക്കാലം ആസ്വദിച്ചതിനു ശേഷം തിരികെയെത്തിയതാണ് നെയ്മർ. ബാർബഡോസിൽ നിന്ന് ജന്മനാടായ ബ്രസീലിലെ സാവോ പോളോയിലേക്കായിരുന്നു യാത്ര. ഇതിനിടെയാണ് വിമാനത്തിൽ തകരാറ് കണ്ടെത്തിയത്. തുടർന്ന് ബോവ വിസ്റ്റ എന്ന സ്ഥലത്ത് വിമാനം ഇറക്കുകയായിരുന്നു.

Story Highlights: Neymar private jet emergency landing