കോൺ​ഗ്രസുകാരെ വെള്ള പുതപ്പിച്ച് കിടത്തും; ഭീഷണി പ്രസം​ഗവുമായി സിപിഐഎം നേതാവ്

കോഴിക്കോട് ഭീഷണി പ്രസം​ഗവുമായി സിപിഐഎം നേതാവ് രം​ഗത്ത്. സിപിഐഎം കോഴിക്കോട് ഏരിയാ കമ്മിറ്റിയം​ഗം ഒ.എം ഭരദ്വാജാണ് ഭീഷണി പ്രസം​ഗം നടത്തിയത്. കോൺ​ഗ്രസുകാരെ വെള്ള പുതപ്പിച്ച് കിടത്തുമെന്നാണ് ഭീഷണി. സിപിഐഎം ബോംബെറിഞ്ഞാൽ മതിലിൽ തട്ടി വീഴില്ലെന്നും കൃത്യമായ ലക്ഷ്യം കാണുമെന്നും പ്രസം​ഗത്തിൽ പറയുന്നു. എകെജി സെന്ററിന് നേരെയുണ്ടായ ആക്രമണത്തിൽ പ്രതിഷേധിച്ച് നടന്ന യോ​ഗത്തിലാണ് വിവാദ പരാമർശം നടത്തിയത്. ( CPIM leader Om Bharadwaj made a threatening speech against Congress )

Read Also:സിപിഐഎം പയ്യന്നൂർ ഫണ്ട് തിരിമറി വിവാദം; ജില്ലാ നേതൃത്വം അംഗീകരിച്ച കണക്കുകൾ ഇന്ന് ലോക്കൽ കമ്മിറ്റികളിൽ അവതരിപ്പിക്കും

സിപിഐഎം അങ്ങനെ തീരുമാനമെടുത്താൽ അത് നടപ്പാക്കിയിരിക്കും. ഇത് നല്ല നിലയ്ക്ക് ഓർത്ത് വേണം കോൺ​ഗ്രസും ആർഎസ്എസും ബിജെപിയും കളിക്കാൻ. നിങ്ങളെപ്പോലെ പിപ്പിടി കാട്ടി മതിലിൽ ബോംബെറിഞ്ഞ് പോവാൻ മാത്രമല്ല, അത് ലക്ഷ്യസ്ഥാനത്തെത്തിക്കാനും അറിയാം. അങ്ങനെ എല്ലാവരെയും വെള്ള പുതപ്പിച്ച് കിടത്താൻ പ്രസ്ഥാനത്തിന് നന്നായി അറിയാം എന്ന് മാത്രമാണ് പറയാനുള്ളത്. – ഒ.എം ഭരദ്വാജ് പറഞ്ഞു.

Story Highlights: CPIM leader Om Bharadwaj made a threatening speech against Congress