കോൺഗ്രസ് എം.എൽ.എ കുൽദീപ് ബിഷ്ണോയ് ബി.ജെ.പിയിലേക്ക്
ഹരിയാനയിലെ കോൺഗ്രസ് എം.എൽ.എ കുൽദീപ് ബിഷ്ണോയ് ബി.ജെ.പിയിലേക്ക്. ബി.ജെ.പി ദേശീയ അധ്യക്ഷൻ ജെ.പി. നദ്ദ, ആഭ്യന്തരമന്ത്രി അമിത് ഷാ എന്നിവരുമായി കുൽദീപ് ബിഷ്ണോയ് കൂടിക്കാഴ്ച്ച നടത്തി. രാജ്യസഭാ തെരഞ്ഞെടുപ്പിൽ കോൺഗ്രസിന് വോട്ട് ചെയ്യാത്ത സംഭവത്തിൽ പാർട്ടിയിൽ നിന്ന് അദ്ദേഹം ഏറെ അകന്നിരുന്നു. ( Congress MLA Kuldeep Bishnoi met bjp President jp nadda )
അജയ് മാക്കന്റെ സ്ഥാനാർത്ഥിത്വത്തിനെതിരെ വലിയ പ്രതിഷേധം ഹരിയാനയിൽ ഉണ്ടായിരുന്നു. ആ പ്രതിഷേധം മുന്നിൽ നിന്ന് നയിച്ചത് കുൽദീപ് ബിഷ്ണോയ് ആയിരുന്നു. തെരഞ്ഞെടുപ്പിൽ അജയ് മാക്കന് വോട്ട് ചെയ്യാതെ അദ്ദേഹം ബിജെപി സ്ഥാനാർത്ഥിക്കാണ് വോട്ട് ചെയ്തത്. ഇതോടെ ചെറിയ മൂല്യത്തിന് അജയ് മാക്കൻ പരാജയപ്പെടുകയായിരുന്നു. രാഹുൽ ഗാന്ധി ഉൾപ്പടെ ഇടപെട്ടിട്ടും അദ്ദേഹം ബി.ജെപിയുമായി അടുക്കുകയായിരുന്നു. ട്വിറ്റർ പേജിലൂടെ കുൽദീപ് ബിഷ്ണോയ് തന്നെയാണ് ബിജെപി ദേശീയ അധ്യക്ഷൻ ജെ.പി. നദ്ദ, ആഭ്യന്തരമന്ത്രി അമിത് ഷാ എന്നിവർക്കൊപ്പമുള്ള ചിത്രങ്ങൾ പങ്കുവെച്ചത്.
Read Also: അപ്രതീക്ഷിത തിരിച്ചടി; ബി.ജെ.പിക്ക് ഭരണം നഷ്ടമായി
കോൺഗ്രസ് പ്രവർത്തക സമിതിയിലെ പ്രത്യേക ക്ഷണിതാവ് എന്ന സ്ഥാനമുൾപ്പടെയുള്ള എല്ലാ സംഘടനാ പ്രവർത്തനങ്ങളിൽ നിന്നും കോൺഗ്രസ് കുൽദീപിനെ മാറ്റിയിരുന്നു. എന്നാൽ തെറ്റ് തിരുത്തി തിരുച്ചുവരാൻ അവസരമുണ്ടെന്ന് കോൺഗ്രസ് അറിയിച്ചിരുന്നു. ആ ക്ഷണം അവഗണിച്ചാണ് കുൽദീപ് ബിഷ്ണോയ് ബിജെപിയിലേക്ക് പോകുന്നത്.
Story Highlights: Congress MLA Kuldeep Bishnoi met bjp President jp nadda and Home Minister Amit Shah and
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here