മടിയിൽ കനമില്ലെങ്കിൽ എന്തിന് ഭയപ്പെടണം? ഇഡി റെയ്‌ഡിൽ മഹാരാഷ്ട്ര മുഖ്യമന്ത്രി

മടിയിൽ കനമില്ലെങ്കിൽ എൻഫോഴ്‌സ്‌മെന്റ് ഡയറക്ടറേറ്റിന്റെ നടപടിയെ ഭയപ്പെടേണ്ടതില്ലെന്ന് മഹാരാഷ്ട്ര മുഖ്യമന്ത്രി. ശിവസേന നേതാവ് സഞ്ജയ് റാവത്തിൻ്റെ വീട്ടിൽ ഇഡി നടത്തിയ പരിശോധനയിൽ പ്രതികരിക്കുകയായിരുന്നു ഏകനാഥ് ഷിൻഡെ. റാവത്ത് നിരപരാധിയാണെങ്കിൽ അന്വേഷണത്തിൽ കണ്ടെത്തുമെന്നും ഔറംഗബാദിൽ മാധ്യമപ്രവർത്തകരോട് സംസാരിക്കവെ ഷിൻഡെ പറഞ്ഞു.

“താൻ തെറ്റൊന്നും ചെയ്തിട്ടില്ലെന്ന് റാവത്ത് പറയുന്നുണ്ട്. അങ്ങനെയാണെങ്കിൽ അന്വേഷണത്തെ എന്തിന് ഭയപ്പെടുന്നു? അത് നടക്കട്ടെ. നിങ്ങൾ നിരപരാധിയാണെങ്കിൽ എന്തിനാണ് ഭയപ്പെടുന്നത്?” ഷിൻഡെ ചോദിച്ചു. സാഹചര്യങ്ങളുടെ നിർബന്ധം മൂലമാണ് വിമത സേനയിൽ ചേർന്നതെന്ന ശിവസേന നേതാവ് അർജുൻ ഖോട്കറിന്റെ പ്രസ്താവനയെക്കുറിച്ചുള്ള ചോദ്യത്തിന്, “ഞങ്ങൾ അദ്ദേഹത്തെ ക്ഷണിച്ചതാണോ? ED യെ ഭയന്നോ ഏതെങ്കിലും സമ്മർദ്ദത്തിൻ കീഴിലോ ഞങ്ങളിലേക്കോ ബിജെപിയിലേക്കോ വരരുത്” ഷിൻഡെ മറുപടി നൽകി.

കള്ളപ്പണം വെളുപ്പിക്കൽ കേസുമായി ബന്ധപ്പെട്ട് റൗത്തിന്റെ മുംബൈയിലെ വസതിയിൽ ഇഡി ഞായറാഴ്ച പരിശോധന നടത്തിയിരുന്നു. പിന്നാലെ “അഴിമതിയുമായി ബന്ധമില്ലെന്ന് അന്തരിച്ച ബാലസബേബ് താക്കറെയെക്കൊണ്ട് ഞാൻ സത്യം ചെയ്യുന്നു” എന്ന് റാവത്ത് ട്വീറ്റ് ചെയ്തു.

Story Highlights: “Why Fear If You’re Innocent”: Eknath Shinde As Sena’s Sanjay Raut Raided