ബീഹാറിൽ വ്യാജ മദ്യ ദുരന്തം; ആറ് പേർ മരിച്ചു, നിരവധിപേർ ആശുപത്രിയിൽ

ബീഹാറിൽ വ്യാജ മദ്യം കഴിച്ച് ആറ് പേർ മരിച്ചു. നിരവധി പേരെ ആശുപത്രിയിൽ പ്രവേശിപ്പിച്ചു. സരൺ ജില്ലയിലെ ഛപ്രയിലാണ് വ്യാജമദ്യ ദുരന്തമുണ്ടായത്. കഴിച്ചവരിൽ പത്തോളം പേർക്ക് കാഴ്ച നഷ്ടപ്പെട്ടു. പ്രദേശത്തേക്ക് മെഡിക്കൽ സംഘങ്ങളെ അയച്ചതായി ജില്ല കലക്റ്റർ രാജേഷ് മീണ അറിയിച്ചു .

ഛപ്ര സദർ ആശുപത്രിയിലും പട്‌ന മെഡിക്കൽ കോളജ് ആശുപത്രിയിലും 20-ലധികം പേരെ ചികിത്സയ്ക്കായി പ്രവേശിപ്പിച്ചു. സംഭവത്തിൽ ഗ്രാമവാസികളിൽ നിന്നും കുടുംബങ്ങളിൽ നിന്നും ഉദ്യോഗസ്ഥർ വിവരങ്ങൾ ശേഖരിച്ചു. ഛപ്ര പൊലീസ് അനധികൃത മദ്യവ്യാപാരിയെ അറസ്റ്റ് ചെയ്തതായി അറിയിച്ചു.

Read Also: ബിവറേജസ് ജീവനക്കാരുമായി തര്‍ക്കം, പിന്നീട് കൈകൊടുത്ത് പ്രശ്‌നപരിഹാരം; ഇതിനിടെ മോഷ്ടിച്ചത് രണ്ടര ലിറ്റര്‍ വിലകൂടിയ മദ്യം

Story Highlights: 6 dies in ‘hooch tragedy’ in Bihar