സൈമണ്ട്സിന്റെ പേരിൽ സ്റ്റേഡിയവുമായി താരത്തിന്റെ ജന്മനാട്

അന്തരിച്ച ഓസീസ് ക്രിക്കറ്റ് താരം ആൻഡ്രൂ സൈമണ്ട്സിൻ്റെ പേരിൽ സ്റ്റേഡിയവുമായി ജന്മനാട്. സൈമണ്ട്സ് ജനിച്ചുവളർന്ന ടൗൺസ്‌വിലിലെ സ്റ്റേഡിയത്തിന് താരത്തിൻ്റെ പേര് നൽകാനാണ് സിറ്റി കൗൺസിലിൻ്റെ തീരുമാനം. ഈ വർഷം മെയ് മാസത്തിൽ വാഹനാപകടത്തിലാണ് സൈമണ്ട്സ് മരണപ്പെട്ടത്.

ടൗൺസ്‌വിലിലെ റിവർവേ സ്റ്റേഡിയത്തിനാണ് സൈമണ്ട്സിൻ്റെ പേര് നൽകുക. വിവരം ടൗൺസ്‌വിൽ കൗൺസിലർ മൗറി സോർസ് തന്നെ അറിയിച്ചു.

ഓസ്ട്രേലിയക്കായി ആൻഡ്രു സൈമൺസ്‌ 26 ടെസ്റ്റുകളും 198 ഏകദിന മത്സരങ്ങളും 14 ട്വന്റി-20 മത്സരങ്ങളും കളിച്ചിട്ടുണ്ട്.

Story Highlights: stadium rename symonds update